Estudante eskola Ensinu Báziku Filiál 12 otubru Tasi-tolu fase liman antes tama sala-de-aula. Imajen Tatoli/António Gonçalves.

DILI, 25 marsu 2021 (TATOLI)—Ministériu Edukasaun Joventude no Desportu (MEJD), liu hosi ekipa tékniku, sei halo hela elaborasaun matéria programa Eskola ba Uma, ne’ebé tuir planu sei lansa iha semana oin.

Diretór Edukasaun Pré-Eskolár, Ensinu Báziku no Ensinu Rekorrente (EPEEBER), Apolinário Serpa Rosa, hateten ekipa tékniku-sira halo hela serbisu hodi halo gravasaun ba matéria-sira, ne’ebé sei publika liu hosi meiu komunikasaun-sira.

Notísia relevante:Fiskalizasaun Komisaun G deteta programa “Eskola Ba Uma” laiha impaktu

“Ha’u garante katak, kuarta semana oin bele halo ona lansamentu ba programa ne’e. Ita-nia superiór na’in-rua mak sei lansa no sei publika liu hosi kanál televizaun,” Apolinário Serpa Rosa  hateten via telefónika, kinta ne’e.

Nu’udár responsável másimu ba elaborasaun matéria online ba programa ne’e, Apolinário Serpa Rosa husu kompriensaun dirijente eskola, profesór, estudante, inan-aman no komunidade atu apoiu nafatin  serbisu hosi ekipa tékniku MEJD nian, nune’e  bele finaliza lalais.

Maski la esplika detalla kona-bá matéria-sira, maibé MEJD deside atu programa Eskola ba Uma sei kobre hotu síkulu tolu hosi Ensinu Báziku.

Notísia relevante:Estudante munisípiu neen la aproveita programa eskola bá uma

Jornalista: Tomé Amado

Editór: Cipriano Colo

HAKEREK NO HATÁN

Please enter your comment!
Please enter your name here