Vise-Ministru Administrasaun Estatal, Lino de Jesus Torezao. Imajen/Antonia Maia Gusmao.

DILI, 10 marsu 2021 (TATOLI)—Vise-Ministru Administrasaun Estatál (MAE), Lino de Jesus Torrezão hatete desentralizasaun administrativa tama ona faze deskonsentrasaun territoriál.

Notísia Relevante: Polítika desentralizasaun administrativa promove instituisaun Estadu ida forte

Vise-Ministru ne’e haktuir, dekretu lei Nú. 3/2016, Governu komesa implusiona katak atu hala’o ninia dezentralizasaun iha faze tolu mak faze deskonsentrasaun teritorial, faze dezentralizasaun Administrativa Instituisionál no ikus liu mak faze Desentralizasaun Administrativa Territoriál.

“Agora dadauk ita hala’o faze primeiru mak faze deskonsentrasaun teritorial no faze ida ne’e bazea ba dekretu-lei Nú. 3/2003, dekretu-lei ne’e hateten kuandu prodús ona dekretu lei ne’e, faze dahuluk ita komesa fó kompeténsi ba Autoridade Administradór munisipál sira para halo sira-nia knaar no bele hetan rasik orsamentu hodi halo planu no programa rasik mak hatama iha ministériu mak ministériu hatama ba Orsamentu Jerál Estadu (OJE),” Lino Torrezão hateten ba Agência TATOLI liuhosi telefónika, kuarta ne’e.

Nia hatutan, reprezentante poder lokál ne’e atu reflete ba orden koletivu ida iha tinan 2019 ne’ebé Governu ne’e instala ona, depois aprezenta ba iha Parlamentu Nasionál ba proposta lei kona-ba poder lokál nian ne’ebé mak agora dadauk paradu hela iha komisaun A.

“Lei ne’e debate ona iha Parlamentu Nasionál maibé kuandu haruka ba Prezidente Repúblika atu promulga Prezidente la promulga entaun ne’e paradu hela iha ne’ebá,” Vise-Ministru hateten.

Nia dehan, bainhira desentralizasaun administrativa la’o ona iha munisípiu mak Prezidente Autoridade no Adminiatradór munisípiu tenke liuhosi eleisaun tanba eleisaun mak bele regulariza sira.

“Agora ita atu tama faze daruak nian, maibé antes atu tama. Ministériu mós kria ona grupu tékniku interministerál ne’ebé atu ko’alia ho ministériu relavante sira. Atu oinsá sira bele entrega servisu deskonsentrasaun ne’ebé mak sira iha ba munisípiu sira,” nia dehan.

Notísia Relevante: Lei poder lokál no desentralizasaun administrativa hanesan lei ne’ebé importante

Jornalista: Osória Marques

Editór : Cancio Ximenes

HAKEREK NO HATÁN

Please enter your comment!
Please enter your name here