MTM ho PNTL servisu hamutuk dezinfeta Largo Lecidere no B.J. Habibie, Sesta 15 maiu 2020. Imajen Tatoli/Antonio Goncalves

DILI, 09 marsu 2021 (TATOLI)-Komandu Polísia Nasionál Timor-Leste (PNTL) Munisípiu Dili hamutuk ho Movimentu Tasi Moos  (MTM) ka Grupu Mama Bolu, sei  reativa halo dezinfeta ba fatin públiku sira iha Kapitál Dili ne’ebé risku ba propagasaun COVID-19.

Fatin sira ne’ebé atu halo dezinfeta mak hanesan  klínika, postu saúde,  fatin ne’ebé sidadaun sira halibur malu ho area ne’ebé deteta ona pasiente pozitivu hodi halo prevensaun ba propagasaun COVID-19.

Notísia Relevante : MTM Apoia Ekipamentu Face Shield 100 ba PNTL

Ba jornalista sira iha Komandu PNTL Munisípiu Dili, tersa ne’e, Segundu Komandante Polísia Munisípiu Dili, Superintendente Euclides Belo, hateten sira-nia parte ho  Komandu Jerál PNTL sei halo medida prevensaun hanesan sensibilizasaun hamutuk ho autoridade munisípiu Dili ba komunidade sira.

Komandu PNTL Dili ho MTM  iha tinan kotuk halo dezinfeta ba fatin públiku  sira, tanba ne’e sei halo esforsu voluntáriamente kontinua fila-fali atividade dezinfeta hodi bele halo prevensaun ba COVID-19.

Notísia Relevante : MTM iha Aimoruk Dezinfetante Litru 3.200 hodi Dezinfeta Fatin Públiku Sira

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here