Grupo Movimentu Tasi Mos servisu hamutuk ho Polisia Nasional Timor Leste rega disinfektante ba estrada publiku, jardim Largo Lecidere no jardim BJ Habibie, Sexta 15 Maiu 2020.Imajen/Antonio Goncalves

DILI, 15 maiu 2020 (TATOLI)–Koordenadór Movimentu Tasi Moos (MTM), Gally S. Araújo hateten, agora daudaun MTM iha aimoruk dezinfetante hamutuk litru 3.200 hodi hodi bele rega dezinfetante ba fatin públiku sira ne’ebé ho área luan.

Nia hatutan, ohin, MTM hamutuk ho Sekretáriu Estadu Meiu Ambiente (SEMA) no PNTL Munisípiu Dili hodi rega aimoruk dezinfetante ba fatin públiku sira ne’ebé iha sirkukasaun ema barak.

“Ohin, ami halo operasaun konjunta ida hodi rega aimoruk dezinfetante ba fatin públiku liuliu fatin ne’ebé iha sirkukasaun ema barak. Ohin, ami dezinfeta ona Jardin Prezidente BJ Habibie no Jardin Largo Lecidere,” dehan Koordenadór MTM, Gally S. Araújo, ba jornalista sira iha Largo Lecidere, Dili, sesta ne’e.

“Asaun voluntánriu ne’e mai husi ami-nia komunidade rasik no tenta para atu intensifika ka halo barak liutan tanba sirkulasaun ema mós aumenta tan. Maibé ita lahatene moras cOVID-19 pozitivu menus ba beibeik maibé dalaruma deskuidu ki’ik-oan bele aumenta kazu CIVID-19 pozitivu derepente, entaun ida ne’e sai erru boot iha future,” nia hateten.

Koordenadór MTM ne’e hatutan, bainhira Estadu Emerjénsia ba COVID-19 nian ramata ka para mak MTM mós termina ninia asaun rega aimoruk dezinfetante ne’e.

“Ami, Movimentu Tasi Moos hala’o atividade ho voluntáriu no forsa mós mai husi komunidade rasik maibé to’o iha ne’ebé ami tenta nafatin para to’o maibé ami labele bainhira mak para. Bainhira Estadu Emerjénsia ba COVID-19 nian sei la’o entaun ami mós hakarak la’o nafatin,” nia haktuir.

Hori hahú, MTM hetan apoiu ekipamentu hosi Prezidente Republika no mós balu hosi Ministériu Saùde no iha entidade públiku no privadu barak mak apoiu hodi realiza atividade ida ne’e.

Segundu Komandante Polisia Munisípiu Dili, Superintendente Asistente Polisia, Euclides Belo. Imajen/Antonio Goncalves

“Ami-nia atividade ida ne’e realiza no hahú, hetan apoiu hosi ita-nia Prezidente Republika, Ministériu Saúde inklui entidade públiku no privadu sira,” nia esplika.

Entretantu, segundu komadante Polisia Nasionál Timor-Leste (PNTL) Munisípiu Dili, Euclides Belo, hateten atividade pakote rega aimoruk dezinfetante ba fatin públiku sira ne’ebé komunidade sira tuur.

“Atividade ida ne’e koordenasaun no kontinuasaun ho MTM, PNTL Munisípiu Dili no ohin SEMA ho nia estrutura tomak mós halo limpeza hosi tasi Largo Lecidere to’o iha jardin BJ Habibie nian no ami PNTL ho MTM rega aimoruk dezinfetante ba karreta no motór ne’ebé movimentu ba-mai inklui kadeira iha jardin sira,” dehan segundu komadante PNTL Munisípiu Dili.

Notísia Relevante: Governu Prepara Sidade Dili ba Komemorasaun Loron Restaurasaun Independénsia

Jornalista : Osória Marques

Editór     : Cancio Ximenes

HAKEREK NO HATÁN

Please enter your comment!
Please enter your name here