Ministru ba Asuntus Kombatentes Libertasaun Nasionál, Júlio da Costa Sarmento "Meta Mali". Imajen/Egas Cristovão.

DILI, 04 marsu 2021 (TATOLI)—Ministru Asuntu Kombatente Libertasaun Nasionál (MAKLN), Júlio da Costa Sarmento “Meta Mali”, hateten komemorasaun loron nasionál veteranu nu’udár loron ne’ebé fó esperansa ba jerasaun foun sira.

Júlio da Costa Sarmento “Meta Mali” hatutan, nu’udár loron esperansa tanba bainhira Prezidente Nicolau Lobato mate no baze apoiu rahun, membru CCF barak mate no hanoin funu hotu ona. Maibé, hafoin fileira daruak ne’ebé lidera hosi Xanana Gusmão kontinua fila-fali to’o funu ramata.

Notísia Relevante: Komemora Loron Nasionál Veteranu, hametin foinsa’e sira-nia patriotizmu-nasionalizmu

“Komemorasaun Loron Veteranu fó esperansa tanba bainhira baze apoiu rahun esperansa funu nian laiha ona. Maibé, hafoin deskobre katak membru Comité Central Fretilin (CCF) balu sei moris, hosi ne’ebá iha esperansa fali. Konsentra halo konferénsia dahuluk iha loron 03 marsu 1981, hodi kontinua luta to’o manan funu. Tanba ne’e mak ohin loron istória funu nian fó esperansa ba jerasaun foun sira hodi kontinua halo dezenvolvimentu ba rai ida-ne’e,” Júlio da Costa Sarmento “Meta Mali” hateten iha semináriu ne’ebé realiza hosi juventude no líder lokál sira iha Postu Administrativu Quelicai ho topiku temátika “Programa VIII Governu Konstitusionál Ba Asuntu Veteranu”, ne’ebé Agencia TATOLI asesu, kinta ne’e.

Nia dehan, komemora Loron Nasionál Veteranu ne’e importante tanba esperansa ne’ebé lori luta na’in sira hakat ba oin maske mate maibé hakat nafatin to’o ohin loron.

“Hakarak ka lakohi, imi luta na’in nia espransa mak ohin ita ukun-aan. Maibé, esperansa moris no dezenvolvimentu ba oan sira-nia futuru, mak ami-nia prezensa fó esperansa ba imi hamutuk hateke ba futuru,” nia hateten.

Notísia Relevante: Nasaun ida atu atinje dame tenke hatene rezolve konflitu

Jornalista: Arminda Fonseca 

Editó : Cancio Ximenes

HAKEREK NO HATÁN

Please enter your comment!
Please enter your name here