Membru PNTL observa movimentu karreta kontentór. Imajen Tatoli/Antonio Goncalves

DILI, 24 fevereiru 2021 (TATOLI)- Komandante Polísia Unidade Tránzitu Munisípiu Dili, Inspetór Domingos Sarmento Gama, informa polísia aplika ona koima ba karreta kontentór haat  ne’ebé halo sirkulasaun la kumpre oráriu.

Koima ne’ebé Polísia Tránzitu aplika tuir  despaixu konjunta Ministériu Transporte no Komunikasaun ho Ministériu Interiór nian maka selu multa  masimu $75.00 ba direta iha Banku.

Notísia Relevante : Hahú 01 fevereiru, karreta kontentór halo operasaun bazeia ba oráriu

 “Hafoin despaxu konjuntu ne’e tama iha vigór iha loron 01 fevereiru, tinan ne’e, rejista kontentór haat sirkula  la tuir oráriu, nune’e ami aplika multa ba sira tuir lei kódigu estrada ne’ebé iha  másimu $75 hodi ba selu direita iha banku,” Domingos Sarmento Gama hateten hodi responde Agência TATOLI iha Komandu PNTL Munisípiu, Dili, kuarta ne’e.

Nia hateten, ekipa konjunta hamutuk ho polísia tránzitu Dili kontinua implementa despaxu konjuntu hodi monitoriza sirkulasaun ba kontentór  ho karreta pezadu  iha kapitál Dili.

Notísia Relevante : MTK-MI halo despaisu konjunta regulariza sirkulasaun kontentór iha Dili

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here