iklan

NASIONÁL, DILI, HEADLINE, POLÍTIKA

Programa empoderamentu ekonómia feto implementa iha suku 150

Programa empoderamentu ekonómia feto implementa iha suku 150

Sekretária Estadu Igualdade no Inklusaun, Maria Jose da Fonseca Monteiro de Jesus. Imajen TATOLI/ Egas Cristovão

DILI, 18 fevereiru 2021 (TATOLI)—Sekretária Estadu Igualdade Inkluzaun (SEII), Maria da Fonseca Monteiro de Jesus, informa programa empoderamentu ekonómia feto ne’ebé implementa iha suku 150 iha territóriu Timor-Leste ho mekanizmu rotativu.

Notísia Relevante: OJE 2021, SEII propoin millaun $2,540 empodera ekonomia feto

“Ita halo mekanizmu rotativu ba programa empoderamentu ekonómia feto, ne’ebé mak hahú iha 2019. Ho ne’e, ita obriga sira atu iha responsabilidade liután ba orsamentu ne’ebé mak uza ba programa ne’e,” Maria da Fonseca Monteiro de Jesus hateten ba jornalista sira iha salaun katedral, Vila Verde, Dili, ohin.

Nia hatutan, iha grupu balun ne’ebé mak ladún iha responsabilidade ba programa ne’e maibé antes ne’e grupu empoderamentu ekonómia feto iha grupu 18 iha ne’ebé eziste iha suku 150 nia laran.

Programa empoderamentu ne’e, nia dehan, grupu rua fó fila tiha ona osan no grupu 11 prontu atu fó fila-fali osan refere. Tanba ne’e, SEII kontinua esforsu no hakbesik aan hodi obriga sira atu servisu ho resposabilidade no servisu di’ak liután ba programa ne’e.

Governante ne’e hatutan, to’o agora programa empoderamentu ekonómia feto kontinua la’o hela iha suku prioriddade 150 iha munisípiu 12 inklui Rejiaun Administrativa Espesiál Oé-Cusse Ambeno (RAEOA), ne’ebé nafatin kumpre medida Estadu Emerjénsia nian.

Nia informa, orsamentu ba programa empoderamentu ekonómiku ho montante rihun $750 maibé rihun $30 sei fó apoiu hodi kria kondisaun uma mahon iha Covalima no restu mak uza ba programa refere.

Notísia Relevante: Plan Internasional iha kompromísiu atu empodera feto rurál

Jornalista: Osória Marques

Editór: Cancio Ximenes

iklan
iklan

Leave a Reply

iklan
error: Content is protected !!