Feto Rurál. Imajen/Gil Asis.

DILI, 15 outubru 2020 (TATOLI)–Reprezenta Diretora Organizasaun Plan Internasional Timor-Leste, Welly Yuniarty Baptista, hateten Plan Internasionál iha Timor-Leste ho kompromísiu ne’ebé aas tebes hodi empodera no servisu hamutuk ho foinsa’e no feto rurál hotu liuliu iha Munisípiu Aileu no Ainaro liuhosi programa ba tinan lima.

“Ita iha kompromísiu boot tebes atu empodera no servisu hamutuk ho feto rurál sira espesiál ba Munisípiu Aileu no Ainaro nian,” dehan Welly Yuniarty Baptista iha ámbitu selebrasaun Loron Internasionál Feto rurál iha Munisípiu Aileu, kinta ne’e. 

Notísia Relevante: Papél feto rurál importante ba prosesu dezenvolvimentu

Nia hateten, programa ba tinan lima nian mak dahuluk mak empodera foinsa’e no feto rurál iha área ekonómia hanesan atividade rai no empréstimu osan liga ba atividade hortikultura.

“Ami iha grupu hamutuk 44 kompostu  30 hosi Aileu no grupu 14 hosi Ainaro. Kada grupu iha fundu mesak ne’ebé sustentável,” nia hatete.

Daruak, empoderamentu feto no foinsa’e iha área rurál, iha edukasaun no saúde ne’ebé prevene ema isin rua no kaben sedu.

Datoluk mak empoderamentu foinsa’e no feto rurál iha área governasaun hanesan prepara lideransa ba kargu xefe aldeia no xefe suku iha futuru.

Dahaat mak empoderamentu foinsa’e no feto rurál iha área bee no saneamentu ne’ebé mak feto lidera manutensaun hanesan Grupu Maneja Fasilidade (GMF).

Dalima, empoderamentu foinsa’e no feto rurál iha área parante ka inan-aman ne’ebé poszitivu tebes hodi suporta nia-oan feto-mane sira ho di’ak.

Daneen mak suporta hahan agrikuktura no sasan ijiéne durante surtu COVID-19.

“Ita-nia atividade empoderamentu sei kontinua durante mandatu Plan Internasional iha Timor-Leste,” nia hateten. 

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here