Membru PN hosi Bankada PD, António da Conceição ‘Kalohan'. Imajen TATOLI/António Gonçalves

DILI, 10 fevereiru 2021 (TATOLI)–Tribunál Distritál Dili (TDD) deside ona data julgamentu ba Deputadu António da Conceição ‘Kalohan’.

Notísia Relevante: Tribunál husu PN hasai imunidade Deputadu António da Conceição

Ho data julgamentu ne’ebé TDD deside ona, Prezidente Parlamentu Nasionál, Deputadu Aniceto Longuinhos Guterres Lopes, sei halo ajendamentu hodi autoriza levantamentu imunidade.

“Tribunál haruka tán ona karta kona-ba data julgamentu ne’ebé previstu ba loron 8 abríl 2021,” Aniceto Guterres informa ba jornalista sira iha varanda prinsipál Parlamentu Nasionál, kuarta ne’e.

Prezidente PN informa ona asuntu ne’e iha reuniaun líder bankada parlamentár sira no konkorda atu halo ajendamentu lalais.

“Parese semana rua ka tolu tán. Dentru marsu hanesan ne’e, ami tenke halo ajendamentu,” PPN informa.

Entretantu, Deputadu António da Conceição, fó-sai ona ba públiku katak sei koopera ho justisa tanba sidadaun hotu-hotu iha lei nia okos.

Notísia Relevante: Deputadu António da Conceição prontu hatán iha Tribunál

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here