Prokuradór Jerál Repúblika, José da Costa Ximenes. Imajen Tatoli/Dok.

DILI, 05 fevereiru 2021 (TATOLI)-Ministériu Públiku (MP) kontinua arrola faktu sira kona-ba keixa Sekretáriu Jerál FRETILIN, Mari Alkatiri hasoru membru  Konsellu Polítika Nasionál CPN partidu CNRT.

”Prosesu ne’e lao hela tanba ne’e ha’u labele fó lai opiniaun ka konkluzaun ruma,” PGR, José Ximenes, hateten hodi responde jornalista sira iha edifísiu PGR, Colmera Dili, sesta ne’e.

Notísia Relevante : Kona-ba Alkatiri nia keixa, MP sei notifika CPN-CNRT

Antes ne’e mós Mari Alkatiri simu ona notifikasaun hodi ba presta deklarasaun ba prosesu keixa ne’e. Kona-ba notifikasaun MP nian ba membru CPN-CNRT na’in hira, José Ximenes, dehan ida ne’e prokuradór titular ninia servisu maibé prosesu notifikasaun la’o.

“Majistradu ne’e iha ninia autonomia rasik, nia notifika se-se la presiza informa ba prokuradór jerál,” José Ximenes hateten.

Kona-ba ejijénsia CPN-CNRT nian hodi husu PGR notifika Xanana Gusmão, nu’udar prezidente CPN-CNRT, José Ximenes, lakohi fó komentáriu tanba prosesu sei la’o hela.

Notísia Relevante : Prezidente CPN-CNRT Xanana Gusmão mak sei hatán Alkatiri iha Tribunál

Jornalista   : Nelson de Sousa  

Editór        : Francisco Simões

HAKEREK NO HATÁN

Please enter your comment!
Please enter your name here