Komisáriu Jerál Autoridade Expo Dubai Timor-Leste 2020-2021, Manuel Vong. Imajen Tatoli/Egas Cristovao.

DILI, 26 janeiru 2021 (TATOLI)–Governu Timor-Leste liuhosi Ministériu Komersiu no Industria (MTCI, sigla portugés) liuliu Komisáriu Jerál Autoridade Expo Dubai Timor-Leste 2020-2021, Manuel Vong, hateten autoridade route Expo Dubai Timor-Leste sei haruka lista defenitiva ba Komisaun Organizadora (KO) ba Expozisaun Dubai iha 07 fevereiru tinan ne’e.

Notísia Relevante: MTKI hakarak promove produtu orijinál Timor-Leste iha Expo Dubai

“Ha’u hanoin autoridade Expo Route Dubai Timor-Leste sei entrega 82 lista definitiva kompostu hosi produtu expozisaun no produtu ne’ebe mak atu fa’an iha Expozisaun Dubai nian. Maske nune’e, autoridade ne’e rasik sei hein hela desizaun Ministru nian katak mantein ho lista ida-ne’e ka hasai fali produtu balun,” Komisáriu ba Autoridade Expo Dubai Timor-Leste, Manuel Vong, hateten ba Agência TATOLI iha nia knaar fatin, Sentru Konvensaun Dili (CCD, sigla portugés), segunda ne’e.

Nia hatutan, tuir loloos lista definitiva ba produtu sira-ne’e haruka iha fulan marsu tinan ne’e, maibé foin lalais autoridade simu fali informasaun hosi Komisaun Organizadora Expo Dubai adia fali mai iha fulan-fevereiru.

Kona-bá produtu sira-ne’ebé mak hala’o iha Expozisaun Dubai, nia hatán, entre produtu sira-ne’e mai hosi munisipiu 12 inklui Rejiaun Administrativa Espesiál Oé-Cusse (RAEOA).

“Bainhira ministru aprova ona lista hirak ne’e, mídia sira bele assesu ona lista produtu hirak ne’e hodi bele públika,” nia dehan.

Komisáriu Jerál Autoridade Expo Dubai ne’e heteten, autoridade Expo Dubai Timor-Leste sei haruka produtu iha kontentór ida iha fulan-fevereiru nia laran hodi bele haruka ona ba Dubai, tanba komisaun organizadora hosi Expo Dubai mós prepara ona kontentór ida ba Timor-Leste atu haruka ninia produtu ba Dubai.

Notísia Relevante: MTKI ho liña ministeriál diskute preparasaun TL ba Expo Dubai

Jornalista: Domingos Piedade Freitas

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here