Diretora Jerál Prestasaun Servisu Saúde, Odete da Silva Viegas. Imajen Tatoli/Egas Cristovão

DILI,22 janeiru 2020 (TATOLI)— Ministériu Saúde (MS), seidauk bele realiza screening masál iha Dili laran, iha loron 25 fulan janeiru hanesan fó sai antes ona, tanba ekipa elaboradór ba programa ida ne’e presiza aprezenta hodi hetan aprovasaun hosi Konsellu Ministru (KM).

Ho razaun ida ne’e maka, Koordenadora Jerál Komisaun Nasionál ba Prevensaun COVID-19, Ministériu Saúde,Odete da Silva Viegas hakarak atu klarifika ba públiku katak, seidauk iha kalendáriu sertu.

Notísia Relevante:MS sei halo screening masál iha 25 janeiru

“Signifika, loron 25 janeiru ita seidauk hahú, tanba ita sei haree ba vasinasaun nian no ekipa sira presiza elabora proposta hirak ne’e. Planu ne’e rasik presiza apresenta ba Konsellu Ministru hodi hetan aprovasaun,” Odete hateten ba jornalista Agência Tatoli iha Lecidere, sesta ne’e.

Tanba ne’e, serbisu rua ne’ebé la’o hamutuk, entaun Ministériu tenki kansela screening masál ba komunidade no liña frente sira, no bainhira iha ona kalendáriu sertu, parte MS sei informa ba públiku.

Oras ne’e daudaun, ekipa kontinua serbisu makaas atu bele konklui planu ne’e no Odete iha esperansa katak sei bele ezekuta iha Dili, iha tempu badak.

Notísia Relevante: Detekta sedu, MS sei halo screening masál COVID-19

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here