Médiku sira teste hela pasajeiru Ró Pacific Explore relasiona ba virus Corona bainhira to’o iha Ponte Kais Dili Timor-Leste, 5 fevereiru 2020. Imajen/António Gonçalves.

DILI, 16 janeiru 2021 (TATOLI)—Koordenadora Jerál COVID-19, Odete da Silva Viegas, hateten Governu liuhosi Ministériu Saúde, iha tempu badak sei halo screening masál ba públiku hodi detekta sedu bainhira akontese transmisaun lokál.

“Objetivu atu halo screening masal ne’e bá Munisípiu 12 inklui RAEOA atu detekta sedu transmisaun lokál ne’e ita boot sira mós hatene Munisípiu hootu-hotu ita hala’o hela sentila survilance maibé razaun seluk mós ita iha ona sidadaun ne’ebé  mak tama illegál  ba ema na’in haat ba kazu COVID na’in rua tama iha motain no ida seluk iha RAEOA iha momentu ne’ebá,” Odete da Silva Viegas, informa ba jornalista sira durante konferénsia imprensa, sábadu ne’e.

Notísia Relevante: Médiku Timoroan ida hetan COVID-19 pozitivu

Programa screening ka rastreiu ne’e sei halo bá iha loja, merkadu, no fatin públiku sira ne’ebé risku ba transmisaun pandemia globál COVID-19.

“Ami seidauk determina loloos  semana oin ami identifika no ami mós  pilár rua halo sosializasaun  ba komunidade atu  nune’e bele partisipa  iha servisu ida ne’e, ami sei determina idade hira mak atu halo teste ida ne’e ita hare ba kazu  maioria tinan 20 ba leten,” tenik tan.

Notísia Relevante :MS re-integra pasiente COVID-19 na’in-tolu ba família

Jornalista :Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here