Diretora Jerál Prestasaun Serbisu Saúde, Odete da Silva Viegas. Imajen Tatoli/Egas Cristovão

DILI,12 janeiru 2021 (TATOLI)—Governu liuhosi Ministériu Sáude (MS), tersa ne’e re-integra pasiente Covid-19 na’in tolu ne’ebé rekoperadu ba família, hafoin hala’o tratamentu durante semana rua iha sentru izolamentu Vera-Cruz, Dili.

Koordenadora Jerál Covid-19 Minsitériu Saúde(,Odete da Silva Viegas, hateten ministériu fó alta ona ba pasiente na’in tolu ne’e ba familia, maibé tenke kumpre nafatin medida preventiva.

Notísia Relevante :Pasiente COVID-19 na’in haat rekupera tan

“Sidadaun na’in tolu ne’e Timoroan hotu, mane ida idade 34, seluk idade 29 no sleuk tan idade 19. Sira hahú tama sentru izolmentu Vera-Cruz, ida hahú iha loron rua fulan-janeiru 2021, no rua seluk tama iha loron tolu fulan-janeiru 2021,’’ Odete Viegas hateten ba jornalista sira liuhosi konferénsia imprensa iha Palásiu das Sinzas, ohin.

Koordenadora ne’e informa, ema na’in tolu ne’e submete ba teste swab dahuluk iha loron 7 fulan- janeiru 2021, sira na’in tolu nia rezultadu negativu no teste ba dalarua iha loron 9 fulan-janeiru 2021 ho  rezultadu negativu ba dalarua.

“Entaun, ema na’in tolu ne’e viajén husi Reinu Unidu to’o iha Timor-Leste iha loron 22 dezembru 2020 no ohin ita entrega hikas ba família,’’ nia esplika.

Entretantu, dadus loron 12 fulan-janeiru 2021  totál númeru teste 17.789,  hein rezultadu 284, totál komulativu kazu 49, rekoperadu 44 aumenta haat hamutuk 48.

Kazu foun la iha, baixa 5, rezultadu negativu 17.456, totál kuarentena 111, kompostu hosi Dili 49, Munisípiu 62,  Autokuarentena 79, Dili 79, Munisípiu la iha, pasa kuarentena loron 14  7.290,  Dili 6.044, Munisípiu 1.246.

Notísia Relevante :MS detekta tan pasiente COVID-19 na’in tolu, neen rekuperadu

Jornalista: Felicidade Ximenes

Editór: Agapito dos Santos

1 KOMENTÁRIU

  1. Kapas liu sira nain tolu nee aprezenta iha Media atu nunee Publiku nia prokupasaun konaba Covid-19.TL bosokten nee sai la bosokten.!

HAKEREK NO HATÁN

Please enter your comment!
Please enter your name here