Atu hamenus no prevene moras denque neebe loron ba loron kontinua aumenta liu-liu iha kapital Dili, Ministeriu Saude orienta sira nia Funsionariu ho rutina fulan-fulan tama sai bairo hodi rega susuk iha baleta no komunidade sira nia uma, Sabadu 8 Abril 2017.Tuir dadus provisoriu neebe fosai husi Ministeriu Saude total moras Dengue iha teritoriu Timor Leste 450, Dili 320 ida Mate Bobonaro 23, Baucau 7 Ermera 50, Lospalos 42, Manufahi 3, Manatuto 1, Viqueque 4 no Munisipiu seluk sidak deteta. Foto TATOLI/Antonio Goncalves

DILI, 12 janeiru 2021 (TATOLI)—To’o meadu janeiru 2021 ne’e, Sentru Saúde Becora, hahú rejista pasiente ho kazu dengue hamutuk ema na’in 2.

“Bainhira detekta iha sentru saúde ne’e ami refere kedan hodi halo tratamentu iha HNGV. Tanba, iha sentru saúde ne’e iha kuiadau saúde primária labele halo tratamentu atu detekta. Ami observa, depois transfere direta ba HNGV tanba pasiente na’in rua ne’e labarik kiik menus husi tinan lima, mane ida no feto ida,’’ Xefe Sentru Saúde Becora,  Adelina Pinto hato’o  lia hirak ne’e ba Tatoli iha knaar fatin, Tersa ne’e.

Notísia Relevante :2020, SMD rejista pasiente dengue 813, mate na’in 7

Kona-ba ai-moruk abate atu halo fumigasaun ba prevensaun moras dengue, nia dehan daudaun ne’e laiha estoke maibé pesoál saúde sira nafatin sensibiliza informasaun ba komunidade oinsá atu halo prevensaun.

“Iha ne’e abate laiha tanba estoke mak laiha duni, maibé ami-nia pesoál saúde prontu atu halo sosializasaun oinsá komunidade hadook-aan hosi moras dengue. Ami halo ona proposta ba Serbisu Saúde Munisípiu Dili  hodi bele distribui abate mai ami iha área Kristo Rei, maibé seidauk lori mai,’’ nia hateten.

Nia rekoñese katak, kazu dengue tinan-tinan sempre mosu, tanba ne’e husu ba komunidade atu ho konsiénsia rasik hodi hatene prevene sira nia-aan liuhosi hamoos valeta, hamoos uma laran, hakoi kalén at, lata mamuk sira, no halo tuir instrusaun hotu ne’ebé maihosi pesoál saúde sira.

Entretantu, husi fulan-janeiru to’o desembru 2020, Sentru Saúde Becora rejista númeru dengue hamutuk 143 no konsege rekopera hotu.

Notísia Relevante :Dengue mosu barak liu iha tempu udan

Jornalista:Felicidade Ximenes

Editór: Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here