Diretora Programa Nasionál Dezenvolvimentu Suku (PNDS), Claudina Soares Pires. Imajen TATOLI/Osória Marques.

DILI, 11 janeiru 2021 (TATOLI)–Diretora Programa Nasionál Dezenvolvimentu Suku (PNDS), Claudina Soares Pires, informa semana oin, Governu liuhosi ekipa PNDS halo sensibilizasaun ba komunidade iha territóriu Timor-Leste kona-ba programa foun ba konstrusaun “Uma Kbiit Laek” ba ema kbiit laek sira.

Notisia Relevante: 2021, Governu sei konstrui uma 177 ba “Kbiit Laek” iha Baucau

“Semana oin, ita-nia ekipa sei halo sosializasaun ba komunidade kona-ba konstrusaun ‘Uma Kbiit Laek’ sira iha munisípiu 12 inklui Rejiaun Administrtaivu Espesiál Oé-Cusse Ambeno (RAEOA)”, Claudina ba Agência TATOLI iha nia knaar fatin iha edifísiu Ministériu Administrasaun Estatál (MAE), Vila verde, Dili, segunda ne’e.

Nia hatutan, antes atu implementa  programa foun ba konstrusaun “Uma Kbiit Laek ne’e”, sei tuir etapa ka siklu implementasaun PNDS nian ne’ebé mak hahú hosi siklu ida to’o siklu 12 mak hafoin PNDS entrega ba Governu.

“Molok implementa programa foun ne’e, ita tenke tuir etapa ida-ida ka tuir siklu implementasaun PNDS nian. Hanesan, dahuluk mak halo sosializasun ba parte interessada xave iha Postu Administrativu no Munisípiu sira hafoin sei sosializa tan ba suku ho aldeia no forma ekipa jestaun suku nian. Depois, loke konta bankária suku nian no halo transferénsia 100% fundu operasionál nian,” nia tenik.

Siklu seluk, Claudina informa, mak fó formasaun ba ekipa jestaun no fasilitadór suku nian mak hafoin halo determinasaun ba  prioridade ba aldeia no suku sira.

Diretora PNDS ne’e hateten, bainhira define ona prioridade sira ne’e entaun presiza mós halo preparasaun no halo vertifikasaun ba deskrisaun ka proposta projetu depois halo preparasaun ne’ebé detaillu.

Hosi ne’e, nia dehan, xefe sira xefe suku inklui ho koordenadór munisípiu nian mak hafoin tama ba tranferénsia faze ida mak fundu infraestrutura, nune’e bele hahú implementa konstrusaun “Uma Kbiit Laek” ne’e.

Hafoin ne’e, nia salienta, tama ba siklu sertifikasaun no enkontru kontabilidade no mós halo tranferénsia faze daruak nian ba fundu infraestrutura 50%.

“Iha siklu 11 ne’e, kompleta ona konstrusaun, nune’e iha siklu ikus mak ita halo auditória no enkontru akuntabilidade finál no halo avaliasaun depois entrega xeve ba ema kbiit laek sira,” nia esplika.

Notisia Relevante: PNDS husu adisionál millaun $50 harii uma ba kbiit laek

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here