Vise-koordenadora Forsa Tarefa Prevensaun Metigasaun Surtu COVID-19, Odete da Silva Viegas. Imajen Tatoli/Egas Cristovão.

DILI, 04 janeiru 2021 (TATOLI)—Ekipa COVID-19 husi Ministériu Saúde (MS) segunda ne’e, detekta tan pasiente konfirmadu COVID-19 Timoroan na’in tolu.

No ohin, Timoroan na’in neen mós sai ona husi sala izolamentu, na’in lima rekuperadu husi COVID-19 no na’in ida antes ne’e ekipa COVID-19 husi Ministériu Saúde evakua sala ba fatin izolamentu Vera Cruz Dili.

Notísia Relevante :MS detekta tan Timoroan na’in rua ho COVID-19 pozitivu

“Ema nain neen ne’e feto rua no mane na’in haat   no kazu daudaun baixa  hamutuk 12,’’ dehan Koordenadora Jerál COVID-19, MS, Odete Viegas da Silva, durante konferénsia imprensa iha Caicoli Dili, ohin.

Pasiente pozitivu na’in tolu ne’e, mane ida ho tinan 19 hala’o ninia viajén husi Londres UK iha loron 21 fulan-dezembru 2020, tránzitu iha Doha no iha loron ne’e kedas sai husi Doha to’o iha Kuala Lumpur Malázia depois iha loron 22 fulan-dezembru husi Kuala Lumpur mai Dili  hamutuk ho pasajeiru 100.

Médiku sira foti swab iha loron 30 fulan-dezembru no rezultadu pozitivu públika iha loron 3 fulan-janeiru 2021.

Nia informa pasiente daruak, mane ida ho tinan 29, viajén husi Englatera Scunthop ba Londres UK iha loron 20 fulan-dezembru 2020, tránzitu iha Doha  no to’o iha Malázia iha loron 21 fulan-dezembru, depois iha loron 22 sai husi Kuala Lumpur Malázia to’o iha Dili Timor-Leste.

Pasiente ne’e kumpre kuarentena obrigatóriu iha Otél Time Square, ekipa médika foti swab iha loron 30 fulan-dezembru no rezultadu pozitivu públika iha loron 03 fulan-janeiru 2021.

”Datoluk Pasajeirus mane ho idade 43 asimtomátiku, viajén husi England Kemberly ba London UK, iha loron 20 dezembru 2020 to’o iha Doha iha 21 dezembru  2020, Sai husi Doha 21 dezembru 2020 bá Malázia, to’o iha Malazia toba iha Aeroportu Malázia sai husi Kuala-Lumpur Malázia iha loron 22 dezembru  2020 mai Dili pasajeiru pozitivu ne’e halo kuarentena iha otél Time Square no Swab foti iha loron 30 dezembru 2020, rezultadu pozitivu relata iha dia 3 janeiru 2021,’’ dehan Odete durante konferénsia imprensa iha Caicoli, ohin.

Totál  númeru  teste 16.885, hein rezultadu 406 totál komulativu kazu  49 rekuperadu 37+4=41,  kazu foun 3  no kazu baixa  12 rezultadu  negativu  16.430,  totál kuarentena  313, iha  Dili 235, Munisípiu  78 auto-kuarentena 26, iha Dili 26 Munisípiu  0, pasa kuarentena durante loron 14, 6.974  iha Dili 5.788, Munisípiu  1.186.

Notísia Relevante :Evakua sala pasiente COVID-19, MS rekoñese lapsu maibé hein hela investigasaun

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here