COVID-19

DILI,03 janeiru 2021 (TATOLI)—Koordenadór COVID-19 Ministériu Saúde, Nilton da Silva, informa ekipa COVID-19 detekta tan Timoroan na’in rua ho coronavirus pozitivu, no daudaun ne’e izola ona iha fatin Izolamentu Sentru Saúde Vera-Cruz Dili.

Pasiente na’in rua ne’e, durante ne’e kumpre hela kuarentena obrigatóriu iha Otél Villa-Verde Dili.

Notísia Relevante :COVID-19 iha TL aumenta ba ema na’in 13

Husi pasiente na’in rua ne’e, mane ida ho tinan 24 iha loron 20 fulan-dezembru 2020 ho TAP Airlines husi Portugal no tranzitu iha Madrid iha data hanesan  no sai husi Madrid bá Doha ho Qatar Airlines no tranzitu iha Doha iha loron 21 fulan-dezembru.

No husi Doha bá Malázia no toba kalan ida iha otél Sama-Sama Airport Kuala-Lumpur no iha loron 22 dezembru husi Kuala Lumpur Malázia mai Dili ho AirAsia.

“Mane ida seluk ho idade 34, asimtomátiku Husi Londres UK iha 20 dezembru ho Qatar Airlines no tránzitu iha Doha. Iha loron 21 dezembru viájen husi Doha bá tránzitu iha Malázia, iha 22 dezembru husi Malázia mai Dili ho AirAsia,” dehan Nia ba jornalista sira durante konferénsia imprensa iha Salaun Ministériu Saúde Caicoli, domingo (03/01).

Iha loron 22 fulan-dezembru aviaun AirAsia tun iha Dili ho pasajeiru hamutuk-100, pasajeiru hirak ne’e na’in-14 hela iha kuarentena Otel Villa-Verde no na’in-78 seluk hela iha kuarentena Otél Regal Apartament, otél Time Square, otél Fortuna, otél Carla Mension.

“Swab foti iha loron 30 dezembru 2020, no rezultadu relata iha 2 janeiru 2021 estatutu  pasajeiru hirak ne’e hotu kategoria close contact tanba iha ona istoria kontaktu ho na’in-1 pozitivu detetadu iha Malázia ne’ebé lakonsege mai Timor-Leste no kazu pozitivu na’in-2 ne’e hela iha otél Vila Verde,’’ tenik tan.

Tuir dadus iha loron 2 fulan-janeiru 2021, totál númeru teste 16.871, hein rezultadu 482, komulativu kazu 46, rekuperadu 31+4, kazu foun +2, atuál baixa iha izolamentu 15.

Totál konfinamentu obrigatóriu 342, iha Dili 266, Munisípiu 76, auto-kuarentena 28, iha Dili 28 no Munisípiu 0, pasa ona loron 14 hamutuk 6.955, iha Dili 5.770 no Munisípiu 1.185.

Notísia Relevante :MS deteta tan Timoroan na’in hitu hetan COVID-19 pozitivu

Jornalista :Felicidade Ximenes

Editór:Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here