DILI, 29 dezembru 2020 (TATOLI)—Servisu Autónomu Medikamentu no Ekipamentu Saúde (SAMES) iha tersa ne’e, halo destroisaun ba ai-moruk ne’ebe mak la uza hamutuk pursentu 3% iha fatin lixu Tibar Munisípiu Liquiça.
“Ai-moruk ne’ebé mak destroi ohin iha kuantidade oioin mak hamutuk 3% no ami sei haree ai-moruk ne’e iha lista ida no ha’u la bele fó detalladu ai-moruk nia naran tanba ha’u la dekor ai-moruk nia naran bele fó sala dadus ba ita boot sira,’’ Diretór SAMES, Santana Martins, informa ba jornalista sira iha edifísiu Ministériu Saúde tersa ne’e.
Notísia Relevante :Estoke ai-moruk iha SAMES komesa menus
Ai-moruk sira ne’ebé mak destroi ne’e hetan apoiu husi Fundu Global, UNICEF no la sosa ho osan Estadu.
“Tanba ita-nia indikadór ne’ebé mak husi Organizasaun Mundiál Saúde iha 5% labele sae liu se sae liu ita nia jestaun la di’ak maibé agora daudaun destroi ne’e iha 3% de’it ami iha alvu katak se bele redúz ai-moruk atu destroi ne’e iha pursentu 1 ka 2% maibé iha tinan 2020 iha situasaun COVID19 ne’e difisil ba ita dala barak halo movimentu halo tratementu lao ladun di’ak no impede movimentu hotu kuaze fulan-tolu, fulan-haat ita la halo movimentu no la halo tratamentu hanesan SISKA, sistema saúde iha família entaun prejudika hotu ba ai-moruk sira ne’e,” tenik tan.
Notísia Relevante :SAMES iha Stock Out Kona-ba Medikamentu Sa’e Ona 23 %
Jornalista :Felicidade Ximenes
Editór:Agapito dos Santos
