Diretor SAMES, Santana Martins. Imajen/Antonio Goncalves

DILI, 13 agostu 2020 (TATOLI)-Diretór Ezekutivu Servisu Autónomu Medikamentu no Ekipamentu Saúde (SAMES), Santana Martins, informa estoka ai-moruk iha Armazén SAMES Kampung-Alor Dili komesa menus ba pursentu 28 % inklui mós ai-moruk vitál ba inan sira partu.

SAMES iha item ai-moruk hamutuk 95 maibé, item 13 mak agora mamuk hanesan magnesium Sulphate 50% Vial /10ml, Pencilin Benzyl Penicilin PFI 1 MU600mg, Amoxicilin/Clavulanate Oral 125mg/31.25mg/5ml.Bot 100ml, Captopril 50mg tabs, Chlorpromazine HCL 25mg tabs, Diclofenac Sodium IM Injection 25mg amp/3ml no mós item sira seluk tan.

Notísia Relevante :SAMES iha Stock Out Kona-ba Medikamentu Sa’e Ona  23 %

SAMES prevee ona Dotasaun Orsamentu Temporariu (DOT) 2019 hamutuk millaun $ 3.7 hodi sosa ai-moruk.

Nia parte parte daudaun ne’e halo ona prosesu aprovizionamentu no balun iha ona faze deliberasaun tanba ne’e, garante katak iha fulan-outobru to’o novembru 2020 estoke ai-moruk hirak ne’e sei to’o iha Timor-Leste.

”Agora ita halo hela esforsu ba iha fasilidade saúde sira hanesan farmásia, klínika sira iha rai laran ne’e sira mós hetan difikuldade oinsá atu lori ai-moruk ne’e mai,” dehan nia ba jornalista sira iha  Kampung-Alor.

Notísia Relevante :Ministra Saúde Foun Sei Konsidera Problema SAMES

“Ita halo prosesu aprovizionamentu prosesu sira ne’e ita halo duni maibé tanba limitasaun husi orsamentu no ninia kuantidade ne’e mak ki’ik, ho kuantidade ki’ik entaun ita labele kobre ho tempu ida ne’ebé mak naruk entaun ida ne’e difikulta ita-nia estoke mamuk,” tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here