Prezidente Konsellu Executivo INCT, Jose Cornelio Guterres. Tatoli/ Egas Cristóvão

DILI, 21 dezembru 2020 (TATOLI)—Institutu Nasionál Siénsia Téknolojia (INCT-sigla portugés), iha ona programa prioridade tolu hodi ezekuta iha tinan 2021.

Prezidente INCT, Francisco Corñelio Guterres, hateten programa tolu ne’e maka hanesan konsolidasaun sistema nasionál ba siénsia no téknolojia, kria kuadru legál INCT nian, peskiza kona-ba dezenolvimentu téknolojia ba inovasaun iha área estratéjia sira.

Notísia Relevante:INCT hakarak halo peskiza iha área prioridade lima

Programa hirak ne’e sei ezekuta ho osan  husi item bens servisu purvolta $433.610 husi Orsamentu Jerál Estadu hamutuk $579.452 ne’ebé maka prevee ba instituisaun ne’e hodi ezekuta iha tinan oin.

“Ita sei foti fundu husi bens servisu ne’e purvolta rihun $200 atu realiza atividade peskija, selu péritu internasionál, selu mós Prezidente INCT no Diretór sira inklui mós utuliza ba atividade debate sira,” dehan ezekutivu ne’e ba Tatoli, iha Matadoruro Dili, segunda ne’e.

Kona-ba planu kria kuadru legál INCT nian sei foka mós ba asuntu muda estatutu funsionáriu kontratadu na’in neen ba permanente tanba sira kontribui ona ba instituisaun hahú 2016 to’o agora.

“Ami esforsu hela atu muda estatutu ajenti na’in neen bá funsonariu permanente tanba iha 2021 tanba sira servisu besik ona tinan lima, ami sei halo ida ne’e ba sira para bele sai funsionáriu permanenti,” tenik tan.

Entretantu, Orsamenentu Jerál Estadu (OJE)  ne’ebé alok ba INCT hamutuk $579.452 ba saláriu vensimentu $96.512, bens servisu $433.610 no Kapitál menór rihun $49.330.

Notísia Relevante:INCT Realiza Enkontru Dahuluk Ho Membru Konsellu Sira

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here