Konsellu INCT. Imajen/MESSK

DILI, 15 novembru 2019 (TATOLI)-Institutu Nasionál Siénsia no Teknolojia (INCT, sigla portugés) realiza enkontru dahuluk ho membru konsellu iha ãmbitu ba kriasaun órgaun diretiva no mós Konsellu Sientífiku iha INCT.

Ministru Ensinu Superiór Siénsia no Kultura, Longuinhos dos Santos hateten, ohin ko’alia espesifiku liu kona-ba kria konsellu jerál konsellu sientífiku sai hanesan rekursu umanu ne’ebé atu priense ba iha INCT.

“Ohin, ofisialmente loke ona atu bele fó autonomu ba iha INCT sai hanesan administrasaun indireita ba INCT husi estadu ida ne’e, liuliu husi Ministeriu Ensinu Superioór Arte no Kultura. Entaun, nia kriteria ida para sai hanesan órgaun autonomu maka konsellu jerál INCT ne’e rasik, konsellu sientífiku, konsellu fiskalizasaun ida ne’e ita estabelese hotu ona, ida ne’e bele garante ba INCT para bele sai hanesan instituisaun autonomia,” hateten Ministru Longuinhos dos Santos ba Ajénsia TATOLI iha Hotel Ramelau, Dili, ohin.

Alende husi enkontru ida ne’e, ohin realiza estabelesimentu konsellu rua liliu konsellu jerál sientífiku.

“Ita realiza ita-nia ajenda ne’ebé pertenente hanesan aprovasaun ba konsellu sientífiku nian aprovasaun ba pontu situasaun ba iha INCT ne’e rasik no mós aprovasaun ba atividade anuál ba iha INCT nian no mós orsamentu jerál estadu ba iha INCT nian,” katak Longuinhos dos Santos.

Enkuantu, iha parte seluk, iha ámbitu enkontru ho membru konsellu, iha mós pose ba membru konsellu sira.

Tuir, Ministru Ensinu Superiór Siénsia no Kultura Longuinhos dos Santos hateten, primeiru pose mak foin realiza ita-nia programa prinsipál ba iha INCT nian.

Tuir lei ne’ebé iha, iha prezidente konsellu jerál, iha prezidente ezekutivu INCT, vise-prezidente ezekutivu INCT nian

“Reprezenta dosente investigadór husi instituisaun públiku, reprezenta husi instituisaun ensinu superiór privada, reprezenta husi sosiedade sívil mai husi relijiaun no mós setor privadu mai husi konsellu sientífiku na’in rua ne’ebé tenke mai husi siénsia naturais, siénsia sosiais humanidades no reprezenta husi departamentu siénsia sientífiku nian”.

Jornalista : Nelia Fernandes

Editór        : Rafy Belo

HAKEREK NO HATÁN

Please enter your comment!
Please enter your name here