Buibere FC sai kampiaun Tasa Rosa "Muki" Bonaparte 2020. Imajen/FFTL

DILI, 20 dezembru 2020 (TATOLI) – Ekipa feminina Buibere FC susesu sai kampiaun  Tasa Rosa “Muki” Bonaparte 2020, hafoin halakon AD. SLB Laulara ho golu úniku 1-0.

Notísia Relevante : Halakon S’Amuser, AD. SLB hakat ba finál kontra Buibere

AD. SLB Laulara sai runner-up ka segundu lugar iha Tasa Rosa “Muki” Bonaparte 2020. Imajen/FFTL

Liuhosi jogu, ohin loraik, iha Estádiu Munisipál Dili, Buibere hatudu duni sira-nia prestíjiu nu’udar kampiaun ba Tasa Rosa “Muki” Bonaparte, epoka ne’e. Golu ne’ebé  lori Buibere sai hanesan kampiaun prodús hosi jogadora Nilda Romana (13) iha minutu ’44.

Iha Tasa Rosa “Muki” Bonaparte ne’ebé organiza hosi Federasaun Futeból Timor-Leste (FFTL) ne’e, AD. SLB Laulara sai hanesan segundu lugar, enkuantu terseiru lugar monu ba S’Amuser no kuartu lugar Maranatha FC.

Buibere nu’udar kampiaun merese hetan prémiu ne’ebé  atribui hosi FFTL ba primeiru lugar $3,000, AD. SLB Laulara nu’udar runeer-up ka segundu lugar $2,500, terseiru lugar S’Amuser  ho prémiu osan $2,000 no kuartu lugar Maranatha hetan prémiu osan  $1,500.

Notísia Relevante : Tasa Rosa “Muki”, S’Amuser sai terseiru lugár hafoin halakon Maranatha

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here