Prezidente Tribunal Rekursu, Deolindo dos Santos. Imajen Tatoli/Antonio Goncalves

DILI, 15 dezembru 2020 (TATOLI)-Tribunál Rekursu (TR) to’o oras ne’e seidauk simu rekursu hosi Ministériu Públiku (MP)  ne’ebé kontra desizaun Tribunál Distritál Dili (TDD) ne’ebé  aplika Termu Identidade Rezidénsia (TIR) ba Prezidente Autoridade Nasionál Komunikasaun (ANC), João Olivio Freitas.

Notísia Relevante : Aplika TIR ba prezidente ANC, MP halo rekursu kontra TDD

“Rekursu ne’e seidauk tama,” Prezidente Tribunál Rekursu, Deolindo dos Santos, hateten hodi responde jornalista, ohin, iha Palásiu Prezidensiál, Dili.

Nia hateten, lei fó dalan ba se de’it la konkorda ho desizaun Tribunál nian bele halo rekursu. Importante mak Ministériu Públiku entende iha buat balun laloos iha Tribunál Primeira Instánsia  rekorre no hakerek iha auto nia laran.

“Tribunál sei julga bazeia ba de’it ba faktu ne’ebé konsta iha prosesu nia laran,” nia esplika.

Prokuradór Jerál Repúblika (PJR), José Ximenes, iha loron segunda (14/12), hafoin remata enkontru ho Xefe Estadu, hateten, Ministériu Públiku (MP) halo rekursu kontra desizaun Tribunál primeira instánsia ne’ebé aplika TIR ba Prezidente ANC tanba ladún fundamentu.

Notísia Relevante : Tribunál aplika TIR ba Prezidente ANC

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here