Prokuradór Jerál Repúblika, José Ximenes. Imajen Tatoli /Egas Cristovão

DILI, 14 dezembru 2020 (TATOLI)-Ministériu Públiku (MP) halo rekursu kontra desizaun Tribunál Distritál Dili (TDD) ne’ebé aplika Termu Identidade Rezidénsia (TIR) ba Prezidente Autoridade Nasionál  Komunikasaun (ANC), João Olivio Freitas.

Notísia Relevante : Tribunál aplika TIR ba Prezidente ANC

“Ita halo hela rekursu ba Tribunál Rekursu atu haree,” Prokuradór Jerál Repúblika, José Ximenes, hateten ohin, ba jornalista sira iha Palásiu Prezidensiál, Dili.

Iha loron 29 novembru 2020, Tribunál Distritál Dili (TDD)  liuhosi desizaun julgamentu primeiru interrogatóriu aplika TIR ba  Prezidente ANC, João Olivio Freitas.

Iha faze alegasaun parte defeza husu tribunál atu aplika TIR ba arguidu, maibé  MP husu atu aplika prizaun preventiva. Maibé, Tribunál liuhosi desizaun aplika TIR ba arguidu João Olivio Freitas no bainhira sai hosi area jurizdisaun Dili sai ba fatin seluk hanesan munisípiu tenke relata ba parte autoridade polísia.

Mezmu Tribunál aplika ona TIR maibé hosi parte Ministériu Públiku nu’udar na’in ba asaun penál kontinua rekolla prova nune’e bele aprezenta prova ba Tribunál iha  julgamentu normal iha tempu tuir mai.

Notísia Relevante : Deskonfia, prezidente ANC iha relasaun ho ligasaun internet ilegál

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here