Atividade deputadu sira liuhosi plenária Parlamentu Nasionál. Dokumentasaun

DILI, 09 dezembru 2020 (TATOLI)—Deputadu sira iha Uma Fukun Parlamentu Nasionál, iha kuarta ne’e,  aprova proposta Orsamentu Jerál Estadu (OJE) 2021 ba Ministériu Saúde (MS) ho montante millaun $58.848 iha diskusaun espesialidade ho votus afavór 43 kontra 0 no abstensaun 0.

”Orsamentu Jerál Estadu 2021 husi Ministériu Saúde totál hamutuk miliaun $58.848 ne’ebé mak aloka ba iha saláriu vesimentu millaun $23.929, bens servisu $17.616, tranferénsia públika $11.632,  kapitál menor millaun $1.920,  kapitál desenvolvimentu $3.750, tanba ne’e orsamentu Ministériu Saúde pasa,” Prezidente Parlamentu Nasionál, Aniceto Longuinhos Guterres Lopes anunsia liuhusi plenaria iha Parlamentu Nasionál ohin.

Notísia Relevante :Orsamentu PCM aprovadu iha espesialidade

Husi orsamentu ne’e sei aloka ba polítika jeneru hamutuk millaun $9, programa boa-Governasaun no jestaun institusionál hamutuk millaun $9.482, programa dezenvolvimentu rekursu umanu no profision’al saúde hamutuk rihun $144.

Programa servisu saúde primária hamutuk millaun $29.124,  programa servisu saúde sekundária no tersiaria millaun $19.628 no programa jestaun farmaseutika no lojistika saúde hamutuk rihu $400.71.

Notísia Relevante :PN aprova ona orsamentu hosi instituisaun 11

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here