Imajen/Media PR.

DILI, 05 dezembru 2020 (TATOLI)—Parlamentu Nasionál (PN) aprova ona proposta-lei Orsamentu Jerál Estadu (OJE) tinan fiskál 2021 hosi instituisaun Estadu hamutuk 11.

Debate faze espesialidade ne’e hahú iha loron sesta no sábadu ne’e konsege aprova ona orsamentu hosi instituisaun estadu nian hamutuk 11.

Iha loron sesta ne’e Parlamentu Nasionál aprova orsamentu hosi Prezidénsia Repúblika ho montante $8,661,486.00. Orsamentu ne’e pasa ho rezultadu votasaun a-favór 43, kontra 0 no abstensaun 0.

Iha loron dahuluk debate espesialidade ne’e aprova mós orsamentu hosi Parlamentu Nasionál ho montante $16,984,066.00. orsamentu ne’e aprova ho rezultadu votasaun a-favór 43, kontra 0 no abstensaun 0.

Iha debate espesialidade loron dahuluk ne’e mós aprova orsamentu hosi Primeiru-Ministru ho montante millaun $12,750 ho rezultadu votasaun a-favór 44, kontra 0 no abstensaun 0.

Tama iha loron daruak debate espesialidade, reprezentante povu aprova orsamentu hosi Prezidénsia Konsellu Ministru (PKM) ho montante millaun $5,023 ho rezultadu votasaun a-favór 35, kontra 0 no abstensaun 0.

Parlamentu Nasionál mós aprova orsamentu hosi Sekretaria Estadu ba Igualdade no Inkluzaun (SEII) ho montante millaun $2,554 ho rezultadu votasaun a-favór 36, kontra 0 no abstensaun 0.

Purtantu orsamentu hosi Ministru Koordenadór ba Asuntu Ekonómika (MKAE) ho montante millaun $2,117 ho rezultadu votasaun a-favór 42, kontra 0 no abstensaun 1.

Orsamentu hosi Sekretariu Estadu Formasaun Profísional no Empregu (SEFOPE) ho montante millaun $6,244 ho rezultadu votasaun a-favór 43, kontra 0 no abstensaun 0.

Parlamentu Nasionál aprova orsamentu Sekretariu Estadu Ambiente (SEA) ho montante millaun $2,955 ho rezultadu votasaun a-favór 40, kontra 0 no abstensaun 0.

Iha debate faze espesialiadade loron daruak ne’e aprova mós orsamentu hosi Ministériu Asuntu Parlamentár no Komunikasaun Sosiál (MAPKOMS) inklui SEKOMS ho montante millaun $9,930 ho rezultadu votasaun a-favór 41, kontra 0 no abstensaun 0.

Nune’e mós aprova orsamentu hosi Ministériu Finansa ho montante millaun $34,133 ho rezultadu votasaun a-favór 41, kontra 0 no abstensaun 0.

Reprezentante povu sira atu kontinua debate maibé tanba proposta alterasaun barak entaun Governu sei halo desizaun ba proposta sira-ne’e hafoin kontinua diskute iha loron 9 dezembru 2020, semana oin.

“Ita termina plenária ba loron ohin nian, ita hasoru malu fali iha dia 9 dezembru 2020,” Prezidente Parlamentu Nasionál, Deputadu Aniceto Longuinhos Guterres Lopes, iha plenária PN, sábadu ne’e.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here