Diretora Ezekutiva Laboratoriu Nasional Endang Soares da Silva. Imajen /Egas Cristovão

DILI, 03 dezembru 2020 (TATOLI)—Diretora Laboratóriu Nasionál, Endang Soares, relata, durante fulan rua rekolla ona osan hamutuk rihun $39.799 husi teste  COVID-19 ba sidadaun Timoroan no Estranjeiru ne’ebé maka presiza atu hetan sertifikadu katak livre husi Coronavirus.

Sidadaun hirak ne’e presiza hetan sertifikadu livre husi COVID-19 tanba hakarak halo viajen bá estranjeiru.

Notísia Relevante :Teste COVID-19,  LABNAS aplika tarifa ba sidadaun ho valór másimu $120

”Ami rekolla reseita ne’e hahú iha fulan-outubru to’o novembru mak osan hamutuk rihun $39.799 no ema sira ne’ebé mak  teste ami halo kustu diferente hanesan  Polymerase chain reaction (PCR) kustu $35 dolar rapid PCR ka Genexpert no PCR AusDiagnostic ho nia kustu $40 no balun urjente $120,” dehan nia ba jornalista sira iha ninia servisu fatin Bidau, kinta ne’e.

Nia dehan, ema hamutuk 1041 maka oras ne’e hasai  ona sertifikadu livre husi pandemia COVID-19 hodi halo viajen ba diaspora.

”Tarefa ne’e la’ós aplika ba ema hotu maibé aplika de’it ba sira ne’ebé hakarak hetan sertifikadu médiku hodi deklara livre husi COVID19 para fasilita sira-nia viajé ba rai liur,” nia hateten.

Notísia Relevante :LABNAS uza ekipamentu manual hodi halo teste ba COVID-19

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here