Reitór UNTL foun, Joao Soares Martins. Imajen TATOLI/Tome Amado

DILI, 03 dezembru 2020 (TATOLI)—Reitór Universidade Nasionál Timor Lorosa’e (UNTL), João Soares Martins, informa sei halo revizaun ba estatutu universidade nian iha tinan 2021.

“Ha’u fó ezemplu ki’ik ida de’it mak to’o agora UNTL iha fakuldade sia maibé fakuldade hitu de’it mak tama iha estatutu, fakuldade filozofia ho siénsia ezata ignora tiha husi estatutu UNTL nian,” dehan nia iha sala Auditória Fakuldade Enjinária UNTL Hera, kinta (03/12).

Notísia Relevante:João Martins eleitu ba Reitór UNTL

Iha estatutu agora ne’e identifika mosu burokrasia naruk tanba estrutura boot demais hodi afeta ba efisiensia no efikasia iha servisu administrasaun públika no jestaun UNTL nian.

“Ita tenta atu habadak burokrasia konserteza iha regras sira mak ita sei la’o tuir, naran katak burokrasia ne’e labarak  no naruk para sai fali obstaklu,” nia afirma.

Entretantu, UNTL iha ona fakuldade polítika, ekonomia, fakuldade siénsia sosiál, fakuldade siénsia no enjinária, fakuldade komunikasaun sosiál no seluk tan.

Notísia Relevante:Reitór UNTL foun sei hadi’a uluk jestaun

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here