Reitór Universidade Nasionál Timor Lorosa’e (UNTL), Francisco Miguel Martins. Imajen/TATOLI Egas Cristovao

DILI, 01 dezembru 2020 (TATOLI)—Reitór Universidade Nasionál Timor Lorosa’e (UNTL), Francisco Miguel Martins, informa ba oin sei reforsa programa pos graduasaun UNTL atu prodúz mestradu (S2) no doutoramentu (S3) iha área oioin.

Nia dehan, durante tinan 20,  komesa tinan 2000 to’o 2020, Instituisaun Públiku ne’e prodúz ona mestradu purvolta 503.

Notísia Relevante :FCS-UNTL Planea Implementa Post-Graduasaun

“Ita kria ona sentru investigasaun hamutuk 15 atu suporta programa pos-graduasaun peskiza husi programa ne’e rasik ita iha diplomata purvolta 200-resin, legalizadu 163  no 140-resin kategoria espesializadu iha área klínika ba médiku, espesializadu iha área serúrjia, amnestezia, pediátria, no saúde familiár nune’e mós espesialidade iha área administrasaun konstitusionál, diretu, polítiku jestaun avaliasaun internasional no kontablidade,” dehan nia ba jornalista sira iha Hera, ohin.

Pos Graduasaun doutoramentu nian, nia dehan ba futuru sei servisu hamutuk Ensinu Superiór sira iha rai-liur hodi tulun formadór sira atu mai hanorin iha Timor-Leste.

UNTL daudaun ne’e iha ona pos graduasaun mestradu iha área Diretu, Ekonomia, saúde, língua, matemátika, jestaun rekursu naturál no ambiente, polítika jestaun no avaliasaun konstitusionál.

Notísia Relevante :Tinan 20, UNTL prodúz ona mestradu kuaze 200

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here