COVID-19

DILI, 02 dezembru 2020 (TATOLI)—Ministériu Saúde liuhosi ekipa jestaun COVID-19, ohin deteta pasiente estranjeiru ida ho kazu pandemia globál COVID-19 pozitivu no daudaun ne’e izola ona iha sala izolamentu Sentru Saúde Vera Cruz Dili.

Diretora Jeral Prestasaun Saude Ministeriu Saude, Odete Viegas da Silva. Imajen Tatoli/Antonio Goncalves

Koordenadora Jerál COVID-19, Odete da Silva Viegas, fó sai liuhosi konferénsia imprensa iha salaun Ministériu Saúde Caicoli Dili, hateten sidadaun estranjeiru  ne’e mane ho idade 35, nia viajén husi Uganda bá Dubai iha loron 16 fulan-novembru tinan 2020 no to’o iha Malázia iha loron 17 novembru.

Notísia Relevante :MS izola tan indonéziu ida tanba konfirmadu COVID-19

“Iha loron 18 novembru tinan 2020 viajén husi Malázia mai iha Dili ho totál pasajeirus ne’ebé mak mai ho aviaun Malázia airlines hamutuk ema nain 63. No paisente ne’e rezultadu COVID-19  pozitivu relata iha loron 01 fulan-dezembru tinan ne’e,’’ nia informa.

Bainhira jornalista sira husu kona-ba pasiente ne’e ninia orijen husi nasaun ne’ebé, Diretora ne’e lakohi fó sai ba públiku.

Nia dehan pasiente ne’e laiha sintoma COVID-19 hanesan mear, isin manas no kakorok moras, maibé rezultadu teste laboratóriu indika katak nia pozitivu.

”Dadus loron 02  fulan-dezembru 2020 totál númeru teste 14.371, hein rezultadu 613, totál kumulativu kazu 31, rekuperadu 29, no aumenta kazu provavel haat hamutuk 33  kazu foun ida  rezultadu negativu 13.727,’’ nia esplika.

Nia informa  totál Kuarenetena 159 Dili 114 Munisipiu 45, auto-kurentena hamutuk 193, Dili 192 munisípiu  na’in ida. Pasa ona kuarentena obrigatóriu durante loron 14 iha Dili 5.404 no Munisípiu 1.097.

Notísia Relevante :Sidadaun Pakistaun ida hetan COVID-19 pozitivu

Jornalista :Felicidade Ximenes

Editór :Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here