Diretora Jeral Prestasaun Saude Ministeriu Saude, Odete Viegas da Silva. Imajen Tatoli/Antonio Goncalves

DILI,26 Outubru 2020 (TATOLI)—Ekipa koordenasaun COVID-19 husi Ministériu Saúde, segunda ne’e, izola tan indonéziu na’in ida iha sala izolamentu Sentru Saúde Vera Cruz tanba konfirmadu COVID-19.

Pasiente mane ne’e ho tinan 59 ho ninia viajen husi Makasar ba Surabaya kontinua kedas mai Provinsia Kupang NTT,  Indonézia iha loron 15 fulan-outubru 2020 ho aviaun Lion Air.

Notísia Relevante :Pasiente COVID-19 husi Pakistaun Rekuperadu

”Husi Surabaya ba Kupang iha loron 15 outubru 2020 ho karreta rental iha loron 16 outubru 2020 husi Atambua ba Batugade Dili no tama iha kuarentena iha otél Beach Garden hamutuk ho ema na’in lima depois ida pozitivu hela na’in haat sira sei hahú fila fali loron kuarentena husi ohin,” Koordenadora Jerál COVID-19 Ministériu Saúde, Odete da Silva Viegas ba jornalista sira iha salaun MS Caicoli Dili, ohin.

Iha loron 22 no 23 fulan-outubru 2020 pasiente ne’e komesa hetan ona sintoma hanesan mear, tanba ne’e maka ekipa COVID-19 halo kedas teste laboratóriu deskobre katak nia konfirmadu hetan moras COVID-19.

Ho kazu foun ne’e maka Governu liuhosi Ministériu Saúde kontinua apela ba sidadaun hotu-hotu atu kumpre nafatin medida prevensaun COVID-19 hanesan mantein distansia sosiál no fiziku, uza máskara no seluk tan.

Tuir dadus  husi ekipa COVID-19 to’o ohin rejistu sidadaun 10.635 maka tuir ona teste laboratóriu, hein rezultadu 352, totál pasiente konfirmadu 30, rekuperadu 29, kazu provavél 33, negativu 10.253.

Sidadaun ne’ebé  maka tama ilegál mai Timor-leste liuhusi fronteira terrestre hamutuk 24, Dili 0, totál kuarentena obrigatóriu to’o segunda ne’e, hamutuk 362, Dili iha ema na’in 298, no munisípiu 64, Auto-kuarentena 263.

No sira ne’ebé maka pasa ona kuarentena obrigatóriu durante loron 14 hamutuk 5462, iha  Dili 4.483  no Munisípiu 979.

Notísia Relevante :Sidadaun indonéziu na’in ida kona tan COVID-19

Jornalista : Felicidade Ximenes

Editór :Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here