DILI, 30 novembru 2020 (TATOLI)—Vise Ministru Edukasaun Juventude no Desportu, António Guterres, hateten prosesu aprendizajen iha ensinu pre-eskolár maka forma labarik kiik sira hodi koñese mundu edukasaun.
Husi 2020-2020 ne’e, Ministériu Edukasaun rejista ona eskola pre-eskolár hamutuk 430, kategoria públiku 354 no privada 76.
Notísia Relevante :Pré-Eskolár Nu´udar Fundasaun Di´ak Prepara Edukasaun Labarik Sira Nian
“Husi númeru pre-eskolár ne’ebé mak ita iha konsidera barak loos, tanba eskola pre-eskolar 76 kategoria maihusi privada,” nia informa ba jornalista sira iha MEJD Vila-Verde Dili, segunda ne’e.
Ba futuru, Governante ne’e esplika, Ministériu Edukasaun Juventude no desportu plane atu investe maka’as iha rekursu umanu, infraestrutura bázkia no seluk tan iha eskola nivel pre-eskolár.
No tuir polítika desentralizasaun katak Munisípiu idaidak maka sei jere pre-eskolár, maibé sei hetan akompañamentu no monitorizasaun husi Governu Sentrál liuhosi MEJD.
“Governu ba tinan 2021 ne’e iha ona polítika atu aumenta tan profesór iha pre-eskolár sira hodi nune’e bele reforsa liután atividade aprenedizajen ba labarik sira ho diak,” katak nia.
Notísia Relevante :MEJD fó graduasaun ba estudante pre-eskolár Bairru-Pité
Jornalista : Tomé Amado
Editór:Agapito dos Santos
