Ministra Edukasaun, Juventude no Desportu (MEJD), Dulce de Jesus Soares Hamutuk ho Estudante Eskola Ensinu Pre-Eskolar 12 Outubro Tasi Tolu. Imajen/Tatoli

DILI, 06 novembru 2019 (TATOLI)-Ministra Edukasaun, Juventude no Desportu (MEJD), Dulce de Jesus Soares  hateten, pré-eskolár nu´udar instituisaun ensinu báziku ida ne´ebé sei sai fundasaun ida di´ak hodi prepara labarik sira-nia edukasaun iha futuru tanba ne´e husu ba autoridade lokál sira atu orienta inan-aman sira hodi lori oan  sira ba eskola ensinu pré-eskolár tanba oan sira-nia futuru sei forma hahú husi pré-eskolár.

Ministra Dulce de Jesús Soares dehan eskola Ensinu Báziku filiál 12 de outubru, Tasi Tolu, foin lalais ne´e katak  governu kontinua reforsa partisipasaun inan-aman sira nian iha prosesu pré-eskolar ba dezenvolvimentu oan sira nian ne’ebé hanaran komunidade edukativa iha edukasaun oan sira nian. Signifika, envolvimentu inan-aman sira nian nu´udar fatór determinante ida.

Dezde inísiu governu hahú loke eskola ensinu pré-eskolár iha eskola Ensinu Báziku filiál 12 de outubru, Tasi Tolu, inan-aman barak mak seidauk tau importánsia.

Notísia relevante:EPE Tasi Tolu Inaugura Ona

“Ha’u hakarak dehan de’it kuandu ita-bo’ot sira, inan-aman mak la tau importánsia atu hakbesik oan sira iha eskola ne’e ita-bo’ot sira konrtibui ona  iha prosesu atu hamate futuru oan sira nian,”. friza governante ne´e.

Nia konsidera katak iha área Tasi Tolu foin mak iha de’it pré-eskolár públiku. Tanba ne’e labarik barak mak seidauk asesu ba edukasaun pré-eskolár. Ne´e duni husu ba nai ulun xefe suku no aldeia sira atu ko´alia ba familia komunidade s atu prepara oan sira ho idade tinan 3 atu 2020 bele lori mai rejista iha eskola pré-eskolár iha eskola Ensinu Báziku filiál 12 de outubru, Tasi Tolu.

Notísia relevante: EBF 12 Outubru Tasi Tolu Promove Formasaun Kona-ba Múzika Ba Estudante

Jornalista: Tomé Amado

Editór     : Rafy Belo

HAKEREK NO HATÁN

Please enter your comment!
Please enter your name here