Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno. Imajen Tatoli/Egas Cristovão

DILI, 25 novembru 2020 (TATOLI) – Ezekusaun Orsamentu Jerál Estadu  (OJE) 2020 nian ho montante $20,787,774 ne’ebé aloka ba Ministériu Negósiu Estranjeiru no Kooperasaun (MNEK) to’o ohin atinje ona porsentu 90.5 (%).

Notísia Relevante : Orsamentu MNEK $20,787,774 aprova iha espesialidade

Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, informa ho persentajen ezekusaun ne’e  bele garante katak molok remata fulan dezembru, tinan ne’e, bele atinje ona 100%.

“OJE  2020 nian ami ezekuta ona 90.5%, ita haree ne’e aas la halimar. Entaun ami iha kompromisu  barak ona, ami mós iha obligation 10% atu halo remata hosi kompromisu  ne’ebé iha purvolta porsentu rua-liu. Hanoin, hela fulan-ida remata ami bele ezekuta besik 100%,” Ministra Adaljiza Albertina Xavier Reis Magno, informa  ba Agência Tatoli, ohin,  iha Palaçio do Governo, Dili.

Montante OJE 2020 ba MNEK  $20,787,774 ne’e utiliza ba kategoria saláriu vensimentu $12,732,444, bens servisu $7,883,020, kapitál menór $143,535, transferénsia públika $28,775 no kapitál dezenvolvimentu laiha (-).

Notísia Relevante : MNEK fó prioridade ba servisu multilaterál iha 2021

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here