Komunidade sira dulas kafé ne’ebé koilleta, ho makina tradisionál, iha Suku Leimea Sorin Balun, Postu Administrativu Hatolia, Munisípiu Ermera, kinta (09/07). Imajen Tatoli/António Gonçalves

ERMERA, 19 novembru 2020 (TATOLI)—Prezidente Repúblika, Francisco Guterres ‘Lú Olo’, hateten autoridade no maiória populasaun iha Munisípiu Ermera hato’o ba Xefe Estadu katak durante tinan 18 ona ukun aan maibé sira sei kontinua enfrenta problema boot kona-ba infraestrutura no mós preokupa liu sira-nia podutu potensiá iha Ermera hanesan kafe ne’ebé mak ho folin tun.

Notísia Relevante: Agrikultór Fatukeru potensiál ho produsaun ai-kulat

“Kafe ne’ebé ho folin tun sai mós preokupasaun ba populasaun no autoridade sira-nian iha Munisípiu Ermera. Maiória populasaun iha Munisipiu Ermera hato’o ba ha’u katak ukun aan durante tinan 18 ona maibé sira sei kontinua enfrenta problema boot kona-ba infraestrutura no mós preokupa liu sira-nia podutu potensiá hanesan kafe ne’ebé mak ho folin tun,” Prezidente Repúblika, Francisco Guterres ‘Lú Olo’, iha ninia diskursu bainhira hala’o diálogu ho populasaun Ermera ne’ebé hala’o iha Salaun Nossa Senhora Parokia Gleno, Munisípiu Ermera, kinta ne’e.

PR Lú Olo hateten, Ministériu Agrikultura no Peskas (MAP) tenke haree oinsá mak atu salva kafe Ermera nian. La’ós dehan, Prezidente Repúblika fó resposta atu nune’e bele lori influénsia PR nian ba PN para Governu ne’e implementa maibé ne’e ba povu tomak nia di’ak.

Xefe Estadu ne’e dehan, Governu liuliu timoroan sira ne’ebé sai governante iha Timor-Leste ne’e, presiza iha vontade no hanoin di’ak hodi hadi’a povu Timor-Leste nia moris iha loron aban.

“Timor-Leste presiza ema hotu nia vontade no hanoin di’ak hodi hadi’a no ajuda ita-nia Governu no instituisaun Estadu hodi hadi’a povu no nasaun nia moris,” nia hateten.

Tanba ne’e, Lú Olo haklaken, ho prezensa ninia prezensa no membru Governu no deputadu sira nia prezensa, populasaun Ermera ejize liubá na’i-ulun sira hodi responde lalais ba sira-nia preokupasaun durante TL ukun aan, maiória Ermera-oan kontinua enfrenta problema no seidauk asesu ba infraestrutura báziku hanesan eletrisidade, bee-moos no estrada.

Maske nune’e, Xefe Estadu ne’e hakfodak ho inisiativa populasaun Ermera nia-oan rasik halo prosesu no prodús kulat ne’ebé ninia rezultadu hatama ba loja no kada produsaun ne’e bele to’o kilo atus-70 ba loja ne’e, signifika katak kulat iha nia kualidade di’ak.

Tuir Xefe estadu ne’e, inisiativa povu Ermera nian di’ak tebes tanba presiza hakbiit sira-nia kapasidade, liliu inisiativa ida seluk tan mak harii fatin prosesamentu no haki’ak fini ikan Nila ne’ebé kapaas tebes hafoin hatama ba merkadu.

Notísia Relevante: PR Lú Olo husu atu estabelese tan sentru prosesamentu ikan iha fatin seluk

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here