Jestór Klínika Bairru-Pité, Inácio dos Santos. Imajen: Felicidade Ximenes

DILI, 18 novembru 2020 (TATOLI)—Jestór Klínika Bairru-Pité Dili, Inácio dos Santos, informa nia parte enfrenta ona krize finanseira durante fulan lima hahú jullu to’o novembru 2020 hodi fó impkatu ba funsionamentu no pagamentu saláriu ba funsionáriu sira.

”Ita to’o agora seidauk iha pagamentu ba funsionáriu sira no seidauk selu dividas balun maibé ida ne’e la’ós kestaun tanba Orsamantu Jerál Estadu 2020 mak prosesu kle’ur tanba ne’e mak Minsitériu Saúde seidauk transfere mai ami maibé ami mós halo esforsu hela ho Gabinete Primeiru-Ministru para hetan apoiu fundu husi ne’ebá,” nia hateten ba Tatoli iha ninia servisu fatin kuarta ne’e.

Notísia Relevante:Tinan 2020, MS Propoin Rihun $180 ba Klínika Bairru Pite

Antes ne’e, nia esplika Ministériu Saúde asina ona akordu ida ho Klínika Bairru-Pité hodi apoiu orsamentu ho montante rihun $15 kada fulan.

Maibé Governu liuhosi Ministériu Saúde atraza prosesu transferensia orsamentu durante fulan lima ona.

”Too agora Ministériu saúde seidauk transfere osan maibé ida ne’e funsionáriu sira bele hein maibé problema liu mak funsionamentu klínika ne’e, ezemplu mina ba ambulansia, eletrisdade liliu hahán ba pasiente sira ne’ebé mak halo internamentu hanesan pasiente mánutrisaun, partu, presiza hahán para iha forsa,” nia hateten.

Mezmu nune’e, Jestór Klínika Bairru-Pité ne’e fiar katak Ministériu Saúde sei transfere osan ba sira-nia konta bankaria iha tempu badak.

Notísia Relevante:Klínika Bairru-Pité Kontinua Enfrenta Krize Finanseiru

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here