Osan Dollar Amerikanu. Imajen/Espesiál

DILI, 11 novembru 2020 (TATOLI)—Ministériu Ensinu Superiór Siénsia no Kultura (MESSK) durante audensia ho Komisaun G Parlamentu Nasionál ne’ebé trata asuntu Edukasaun, Juventude, Kultura no Sidadania, propoin proposta kona-ba Orsamentu Jerál Estadu (OJE) 2021 nian hamutuk $6.320.415.

Husi proposta OJE 2021 ne’e sei ezekuta iha item haat maka saláriu vensimentu $1.893.391, bens servisu $3.519.590, kapitál menór $292.434  no transferénsia públika $615.000.

Notísia reventa:MESSK prevee millaun $ 5,429,323 ba OJE 2020

Ministru Ensinu Superiór Siénsia no Kultura (MESSK) Longuinhos dos Santos, hateten ministériu ne’ebé nia lidera la prevee orsamentu ba kapitál dezenvolvimentu tanba laiha projetu foun.

“Husi orsamentu ne’e refere sei implemnta ba  programa prioridade haat hanesan asuntu Komissaun Nasionál ba UNESCO iha Timor-Leste, sei prioridade mós ba desiminasaun no promosaun ba arte no kultura, sei foku mós ba asuntu boa-Governasaun  no jestaun institusionál inklui sei hadi’a no dezenvolve ensinu superiór sira nian,” informa Governante ba jornalista sira iha Parlamentu Nasionál, kuarta ne’e.

Notísia reventa:MESSK aloka rihun $10 selu dividas viajen estranjeiru

Jornalista :Tomé Amado

Editór:Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here