Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 23 setembru  2020 (TATOLI)-Ministériu Ensinu Superiór Siénsia no Kultura (MESSK), prevee millaun $ 5,429,323 ba orsamentu jerál estadu (OGE-sigla portugés) 2020.

Ministru Ensinu Superiór Siénsia no Kultura, Longuinhos dos Santos, hateten husi tetu fiskál 2020 sei aloka ba salariu vensimentu millaun $ 2,132,680, bens servisu millaun $ 3,071,643, no tranferénsia públika rihun 225,000.

“Husi proposta OJE 2020 nian ne’e ministériu sei utilija mós hodi haree programa prioridade tolu kona-ba dezaminasaun no promosaun arte no kultura Timor Leste nian, bolsa estudu, governasaun di’ak no jestaun institusionál,” dehan Longuinhos dos Santos, hafoin ho ekipa tékniku halo audensia ho Komisaun G Parlamentu Nasionál (PN) ne’ebé trata asuntu Edukasaun no Saúde, kuarta ne’e iha PN.

Iha tempu hanesan Prezidente Komisaun G Parlamentu Nasionál, António Verdiál, sujere ba MESSK atu iha responsabilidade hodi ezekuta hotu orsamentu ba tinan 2020 nian.

“Labele tau de’it osan bo’ot ikusmai laiha kapasidade atu ezekuta osan sira ne’e ho di’ak,”katak nia.

Hatan ba preokupasaun ne’e, Ministru Ensinu Superiór Siénsia no Kultura, Longuinhos dos Santos, promete nia parte iha kapasidade atu ezekuta hotu osan ne’e antes 2020 ramata.

Jornalista : Tomé Amado

Editór : Agapito dos Santos

HAKEREK NO HATÁN

Please enter your comment!
Please enter your name here