Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 07 outubru 2020 (TATOLI)-Ministru Ensinu Superiór Siénsia no Kultura (MESSK), Longuinhos dos Santos, hateten nia parte sei aloka osan hamutuk $10.000 husi Orsamentu Jerál Estadu (OGE-sigla portugés) 2020 nian ba dividas kona-ba viajen estranjeiru ne’ebé halo ona iha tinan 2019 liubá.

Husi dividas refere, rihun $8 koloka ba Diresaun Jerál Ministériu Ensinu Superiór Siénsia no Kultura, no $2.000 ba Instituisaun Politékniku Betano (IPB).

Notísia Relevante :MESSK prevee millaun $ 5,429,323 ba OJE 2020

Dividas ne’e tinan kotuk nian, ita-nia Dirasaun no Instituisaun sira hala’o tiha viajen estranjeiru maibé altura ne’ebá iha prosesu tékniku administrasaun husi MESSK no Ministériu Finansa hasoru  fallansu oituan tan ne’e mak viajen estranjeiru ne’e mosu dividas,” nia informa ba jornalista sira iha Parlamentu Nasionál, kuarta ne’e.

Entretantu, Deputadu Parlamentu Nasionál, iha tersa (06/10) aprova ona pakote proposta OJE 2020 ba MESSK ho Sekretáriu Estadu Arte no Kultura (SEAK) hamutuk millaun $4.177 kompostu husi saláriu no vensimentu $ 1.775, bens (sasán) no servisu millaun $ 2.176, transferénsia públika rihun $225, laiha kapitál minór no kapitál dezenvolvimentu.

Notísia Relevante :MESSK simu tetu fiskál ba 2021 ho totál millaun $ 9.3

Jornalista : Tomé Amado

Editór : Agapito dos Santos

HAKEREK NO HATÁN

Please enter your comment!
Please enter your name here