Ekipa Task Force hosi Diresaun Jerál Água no Saneamentu (DGAS) liuhosi Diresaun Nasionál Servisu Água (DNSA) hadi’a hikas ona liña transmisaun kanu bee-moos nian iha Benamauk, iha loron 02 agostu 2019. Nune’e, komunidade iha área Becora nian bele asesu hikas ona bee-moos hosi estasaun tratamentu Bee-moos Benamauk. Imajen/DNSA

DILI, 09 novembru 2020 (TATOLI)—Xefe Departamentu Abastesimentu Água Munisípiu Dili, Francisco Xavier Pereira, hateten Populasaun ne’ebé mak la asesu ba liña transmisaun kanu bee-moos (kanu) distribuisaun Diresaun Nasionál Servisu Água (DNSA) mak Dare no Fatuahi, Postu Administrativu Kristu Rei, Munisípiu Dili.

Notisia Relevangte: Komunidade Ailele-Hun no Lenuk-Hun Seidauk Asesu Kanu DNSA

“Populasaun sira hosi Dare ho Fatuahi mak labele asesu ba kanu Diresaun Nasionál Servisu Água nian tanba fatin sira ne’e aas liu kompara rede kontribuisaun. Ne’ebé, ami prepara asesmentu ba komunidade iha Dili laran de’it,” Xefe Departamentu Abastesimentu Água, Munisípiu Dili, Francisco Xavier Pereira, dehan ba Agência TATOLI iha nia knaar fatin Caicoli, Dili, foin lalais ne’e.

Nia hateten, iha Sidade Dili liuliu iha área urbana ne’e laiha populasaun ida konsumu direta ba bee-matan tanba bee-matan iha área urbana ne’e laiha, ne’ebé hotu-hotu hetan bee-moos hosi DNSA ninian maske distribuisaun bee insatisfatóriu ba sosiedade sira.

Tanba ne’e, nia dehan, obrigatóriumente populasaun sira bele uza bee-matan ruma ne’ebé ki’ik bainhira sira labele hetan bee hosi subteránia ka bee hosi rai-okos maibé dala barak akompañia hodi mata-bomba nune’e bele hetan netik bee-matan ruma hodi nesesita ba sira-nia nesesidade loron-loron nian.

Tuir nia haree, númeru populasaun sira barak liu maka asesu hosi rede distribuisaun DNSA nian, mezmu komunidade balu sei uza mata bomba rasik maibé maioria sira hetan hosi DNSA nian.

Nia dehan, uza mata-bomba sai hanesan alternativu  ida ba populasaun tanba bainhira bee hosi diresaun DNSA nian iha faillansu ruma ka avaria entaun populasaun uza fila-fali mata bomba.

“Maibé ba oin ami sei hadia sistema sira ne’e ho di’ak atu nune’e komunidade sira labele uza mata-bomba ka sániu ho nune’e ema hotu hotu bele hetan bee ne’ebé mak hanesan liohosi DNSA nian,” nia hateten.  

Nia hateten, maske iha problema barak maibe Governu nafatin buka maneira halo oinsá maka atu rezolve problema sira-ne’e, nune’e iha loron ruma bele sai hosi problema uza bee sánio no bee la to’o.

Tuir nia, rekursu bee no abastasimentu ne’ebé iha sidade laran no sei fornese bee di’ak liután ba komunidade sira aban no bainrua.

“Alternativu ba tempu badak no tempu naruk nian no atu hari’i barajén iha railaku ninian. Estudu ne’e lao hela para ba oin ita bele estabelese mehi no planu ida-ne’e. Ba aban bainrua, ita bele fo bee di’ak liutan ba ita-nia komunidade sira liuliu iha Kapitál Dili ne’ebé ho kualidade, kuantidade no ninia kontinuidade ba futuru,” nia dehan. 

Notisia Relevante: DNSA sei aumenta tanki Instalasaun Tratamentu Bee-Moos iha Kapitál Dili

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here