Ekipa Task Force hosi Diresaun Jerál Água no Saneamentu (DGAS) liuhosi Diresaun Nasionál Servisu Água (DNSA) hadi’a hikas ona liña transmisaun kanu bee-moos nian iha Benamauk, iha loron 02 agostu 2019. Nune’e, komunidade iha área Becora nian bele asesu hikas ona bee-moos hosi estasaun tratamentu Bee-moos Benamauk. Imajen/DNSA

DILI, 24 fevereiru 2020 (TATOLI)–To’o oras ne’e daudaun Diresaun Nasionál Servisu Água (DNSA) seidauk dada kanu ba komunidade sira iha Aldeia Ailele-Hun no Lenuk-Hun, Suku Camea, Postu Administrativu Cristo Rei, Munisípiu Dili, tanba bee-matan iha fali okos.

Tuir Xefe Departamentu Abastesimentu Água Munisípiu Dili, Francisco Pereira Xavier deklara, katak DNSA sempre esforsu ba komunidade sira ne’ebé seidauk asesu ba kanu DNSA nian.

“Ami esforsu dada kanu bee-moos nian to’o Fatuahi nian no ami mós tau rezervatóriu ida iha ne’ebá maibé la to’o tanba ninia elevasaun aas liu,” dehan Francisco Pereira Xavier ba Ajénsia TATOLI liuhosi entrevista iha nia knar fatin, Caicoli, Dili, ohin.

Nia hatutan, uluk sira asesu ba bee-matan boot ida iha Fatuahi nian maibé agora asesu laduun ona tanba númeru populasaun aumenta ba beibeik nune’e bee la to’o ba sira.

Entretantu, Xefe aldeia Ailele-Hun, Maliquias Lemos Barreto hatete, komunidade Ailele-Hun no Lenuk-Hun dezde okupasaun tempu Indonézia nian mai to’o agora, seidauk asesu ba fasilidade bee moos ho di’ak no estrada.

“Ha’u-nia komunidade iha Aldeia Ailele-Hun sofre ba bee moos no laiha lina distribuisaun husi DNSA,” nia dehan.

Jornalista : Osória Marques

Editór      : Cancio Xiemens

HAKEREK NO HATÁN

Please enter your comment!
Please enter your name here