Distribuisaun Cesta Bázika iha Aldeia Manuleu, Matinaro, sábadu (31/10). Imajen Tatoli/Nelson de Sousa

COVALIMA, 06 novembru 2020 (TATOLI) – Xefe ekipa distribuisaun material Cesta Bázika, Rainaldo Borges, informa populasaun 2,853 iha Suku Tasilin, Postu Adminkstrativu Zumalai, Munisípiu Covalima sei simu material Cesta Bázika hosi Governu.

Notísia Relevante : Governu distribui Cesta Bázika ba komunidade iha aldeia Palaka

“Lansamentu ba distribuisaun material Cesta Bázika ida-ne’e ita hala’o iha Suku Tasilin, produtu ne’ebé ita atu fahe ne’e populasaun hamutuk 2,853 mak sei simu kompostu huso aldeia haat iha Suku Tasilin,” Rainaldo Borges informa ba Agência Tatoli, ohin, iha Suku Tasilin, Covalima.

Tipu produtu ai-han ne’ebé populasaun sira atu simu ne’e mak hanesan, foos timor, fore-mungu, fore-rai, batar, mina, susubeen, sabaun, masin, kafé, mantolun no pastadente.

“Sasán sira atu fahe ne’e sei fahe tuir visa família. Xefe família orasida mak sei simu. Kuandu ita atu fahe kada família ne’e orasida sira balu idade ki’ik ne’e sei labele hit sasán todan. Maibé sasán ita distribui kada pesoa,” nia dehan.

Sasán hirak ne’e sei tau iha bote-laran hafoin distribui ba populasaun sira hanesan iha família ida ema na’in-haat sei simu bote-haat.

“Programa ne’e hosi Ministériu lubuk ida mak servisu hamutuk mak hanesan Ministériu Agrikultura, Ministériu Komérsiu no  Indústria, Sekretariu Estadu Ambiente, Sekretáriu Estadu Kooperativa. Agora daudaun programa ida ita hala’o ne’e Sekretáriu Estadu Kooperativa nian, tanba koopera ho ministériu relevante seluk mak ami konvida sira mai hotu iha lansamentu ne’e,” nia tenik.

Notísia Relevante : Governu kontinua distribui Cesta Bázika ba komunidade Metinaro 

Jornalista: Hortencio Sanchez

Editór: Francisco Simões

HAKEREK NO HATÁN

Please enter your comment!
Please enter your name here