Bebé foin moris. Ilustrasaun

DILI, 05 novembru 2020 (TATOLI)—Xefe Gabinete Kontrolu Kualidade Ospitál Nasionál Guido Valadares (HNGV-sigla portugés), Sara Maria Xavier, relata kazu mortalidade inan no oan iha HNGV durante tinan 2020 menus kompara ho 2019.

Kazu mortalidade inan no oan iha 2019 hamutuk 10, no iha tinan 2020 hahú husi inísiu janeiru to’o outubru ne’e foin rejista kazu haat.

Notísia Relevante :Janeiru-Maiu,Bebe 2.892 Mak Moris iha HNGV

”Iha tinan kotuk 2019 iha inan na’in 10 mak mate maibé iha tinan 2020 hahú janeiru to’o mai iha fulan-outubru iha inan na’in haat de’it mak mate tanba sira mai ho komplikasaun ne’ebé mak grave ona no sira transfere husi munisípiu sira ho hemorazia pospartu depois ho hipertensaun ne’ebé mak grave tebes durante isin-rua nia laran,” nia informa ba jornalista sira iha HNGV, kinta ne’e.

Nia esplika durante fulan-outubru inan hamutuk 430 mak partu iha HNGV, maibé partu normal 321, partu sesariana 82, partu ventoza hamutuk 27.

”No inan na’in hitu mak aprezentasaun ba sira nian an signifika bebé moris mai ho kidan mak moris uluk no kondisaun ne’ebé mak normál tebes no laiha mortalidade inan no bebé iha fulan- outubru nia laran,” nia hateten.

Entretantu, tuir relatóriu hosi Ospitál Nasionál Guido Valadares (HNGV-sigla portugés), hahú fulan-janeiru to’o marsu bebé hamutuk 53 maka mate.

Durante fulan-tolu ne’e iha inan hamutuk 1.453 maka halo internamentu iha sala maternidade, sira ne’ebé maka partu 1.377, partu ho kondisaun normal 1034, sesariana iha 256 no partu ventoja hamutuk 87.

Nune’e mós bazeia ba dadus peskiza demográfika tinan 2016, rejista mortalidade inan kontinua sa’e ba 195 /100.000, tanba ne’e Timor-Leste tama iha nasaun ho kategoria mortalidade aas iha rejiaun Sudeste Áziatiku.

Númeru mortalidade aas tanba kontribui husi fatór hirak tuirmai maka feto sira isin-rua ho tinan kiik, daruak, inan sira ne’ebé iha ona oan barak, la halo tratamentu durante grávida no seluk tan.

Notísia Relevante :Bebe 53 Mak Mate Durante Fulan-Tolu iha HNGV

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here