Bebé foin moris. Ilustrasaun

DILI, 14 jullu 2020 (TATOLI)-Xefe Gabinete Kontrolu Kualidade Ospitál Nasionál Guido Valadares (HNGV-sigla portugés), Sara Maria Xavier, hateten hahú husi fulan-janeiru to’o maiu tinan ne’e iha bebe hamutuk 2.892 maka moris iha HNGV.

Nia dehan totál inan ne’ebé maka partu normal hamutuk 2.148, partu sesariana iha 531, no partu liuhosi meiu ventoza ka instrumentu hamutuk 183.

Notísia Relevante :Inan Isin-Rua 1.931 Mak Partu iha HNGV

”Entaun bebé ne’ebé mak moris husi totál inan ne’ebé mak partu hamutuk 2.892 no husi totál bebé ne’e mate iha inan-nia kabun laran hamutuk 45,”relata, Sara Maria Xavier ba jornalista sira, tersa ne’e.

Aleinde ne’e, totál inan isin-rua ne’ebé mak halo konsulta no tratamentu iha HNGV hamutuk 2.925.

Notísia Relevante :Tinan 2019, Bebé Moris Iha HNGV Hamutuk 5.791

”Depois Estadu  Emerjénsia hahú husi fulan-marsu to’o iha maiu inan ne’ebé mak mai konsulta no hetan tratamentu iha HNGV hamutuk 1.483 depois  durante fulan neen inan sira ne’ebé mak mai partu hamutuk 2.892,” tenik tan.

Durante fulan janeiru to’o juñu 2020, inan isin-rua na’in tolu maka mate durante partu tanba hetan moras komplikasaun.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here