Xefe Gabinete Kontrolu Kualidade HNGV, Sara Maria Xavier. Imajen/Felicidade Ximenes.

DILI, 05 novembru 2020 (TATOLI)—Xefe Gabinete Kontrolu Kualidade Ospitál Nasionál Guido Valadares (HNGV-sigla portugés), Sara Maria Xavier, informa tuir dadus husi Departamentu Emerjénsia durante fulan-outubru 2020 nian rejistu pasiente na’in 19 maka mate kauza husi atake kardiaku ka kurasaun no na’in ema na’in 70-resin maka hetan kanek tanba asidente tráfegu no insidente.

Husi pasiente kurasaun na’in 19 ne’e, nia klarifika na’in ulau hakotu iis hafoin halo tratamentu saúde iha sala emerjénsia, enkuantu, na’in 11 mate kedas iha dalan antes to’o iha HNGV Dili.

Notísia Relevante :HNGV Sei Estabelese Fatin Kardiolojia Rua

”Husi na’in 19 ne’e na’in 11 ida mate ona iha dalan mak to’o mai iha Ospitál Nasionál Guido Valadares no sira seluk mate iha sala emerjénsia ne’e iha na’in ualu tanba moras atakasaun fuan ne’ebé mak grave ona entaun médiku sira labele salva ona sira-nia vida,” nia hateten ba jornalista sira iha ninia servisu fatin Bidau, Dili, kinta ne’e.

Durante fulan outubru, nia fó sai katak pasiente 3.588 maka halo tratamentu saúde iha sala emerjénsia, no pasiente 68 kauza husi asidente tráfegu ho motor, no na’in hitu asidente ho karreta, ema baku na’in tolu, ema tá ho katana na’in rua no sona ho tudik na’in haat.

”Hemu ai-moruk la tuir reseita no ai-moruk lanu mak iha ema nian tolu maibé la rezulta mate,” nia dehan.

Notísia Relevante :MS Aloka Osan Millaun Hitu Transfere Moras ba Rai-Liur Kada Tinan

Jornalista :Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here