Sentru Saúde Formosa, Dili

DILI, 04 novembru 2020 (TATOLI)—Xefe Sentru Saúde Formosa, Jaime dos Reis, hateten kondisaun infraestrutura bázika iha Sentru Saúde ne’ebá grave iha tempu udan tanba uma kakuluk balun komesa lahuk no provoka udan been tama ba sala tratamentu pasiente sira no plafon balun ameasa atu monu tuun.

”Banhira udan pasiente sira mai halo tratamentu la di’ak tanba uma kondiasaun la di’ak ona balun atu monu ona no plafon sira dodok hotu ona,” nia hato’o preokupasaun ne’e ba jornalista sira iha Sentru Saúde Formosa Dili, kuarta ne’e.

Notísia Relevante :Sentru Saúde Formosa Infrenta Difikuldade Ba Ambulánsia

Iha tempu udan nia dehan profisionál saúde sira labele fó tratamentu saúde ba pasiente sira ho di’ak tanba udan been tama ba sala atendimentu pasiente.

Nia  hateten relata ona situasaun ne’e ba Servisu Saúde Munisípiu Dili hodi kontinua hato’o ba Ministériu Saúde atu fó atensaun urjensia nune’e bele rezolve iha futuru.

”Sala atendimenntu ne’ebé mak la sufisiente mak atendimentu jerál ba labarik no mós ba adultu nian, inan isin-rua, imunizasaun, tubercoluse, HIV/SIDA, laboratóriu, fatin nehan, emerjénsia, farmasista sira ne’e hotu kondisaun la di’ak tanba ne’e mak ami husu presiza hadia no aumenta tan hodi nune’e pesoál Saúde sira servisu hodi halo atendimentu ba pasiente sira ne’ebé mak mai halo tratamentu saúde,” nia hateten.

Notísia Relevante :Inundasaun Estraga Dokumentu iha Sentru Saúde Formosa

Jornalista : Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here