Imajen Tatoli/Osória Marques

DILI, 18 marsu 2020 (TATOLI)-Xefe Sentru Saúde Formosa Dili, Jaime dos Santos informa inundasaun ne’ebé akontese iha sesta semana kotuk konsege estraga dokumentu pasiente sira-nian inklui ekipamentu servisu iha Sentru Saúde refere.

Nia esplika katak dokumentu hirak ne’e bee tama no maioria estraga hotu tanba ne’e difikulta ba ofisiál saúde sira atu fó tratamentu saúde ba pasiente.

Notísia Relevante :Inundasaun Estraga Ekipamentu iha Sentru Saúde Vera Cruz

“Pasiente balun iha Santa Crus ne’ebá hetan estragu makaas husi inundasaun no sira trauma moras sira mai halo tratamentu iha ne’e maibé ami labele atende tanba ekipamentu hotu estragu entaun ami haruka ba iha HNGV,”dehan, Jaime dos Santos, ba TATOLI, iha ninia servisu iha segunda (16/03/2020).

Prosesu atendementu ba pasiente dadaun ne’e kontinua la’o normal maski akontese inundasaun hodi estraga dokumentu no fasilidade saúde.

“To’o agora servisu la’o normál hanesan funsionariu públiku maske rai rahun maka’as maibé kontinua servisu hanesan baibain,”katak Nia.

Jornalista :Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here