Diretora Jeral Prestasaun Saude Ministeriu Saude, Odete Viegas da Silva. Imajen Tatoli/Antonio Goncalves

DILI, 26 outubru 2020 (TATOLI)—Koordenadora COVID-19 husi Ministériu Saúde, Odete da Silva Viegas, relata pasiente konfirmadu COVID-19 husi Pakistaun, segunda ne’e, rekuperadu no fila ona ba uma hafoin hetan tratamentu saúde husi ekipa médiku sira iha sala izolamentu Sentru Saúde Vera Cruz Dili.

”Pasiente daudaun  baixa iha sala izolamentu Vera Cruz ohin konfirmadu teste laboratóriu dalarua negativu ohin ita hateten ba públiku katak sidadaun pakistan ne’e rekuperadu no hafoin konferensia imprensa hotu bele lori sai-nia ba nia hela fatin,” Odete informa ba jornalista sira hafoin konferénsia imprensa iha salaun Ministériu Saúde, Caicoli, segunda ne’e.

Notísia Relevante :Sidadaun Pakistaun ida hetan COVID-19 pozitivu

Sidadaun Pakistaun  ne’e ho tinan 36 konfirmadu COVID-19, pasiente ne’e ho ninia viajen husi Dubai iha loron 25 fulan-setembru 2020 ho aviaun Emirates Airlines to’o iha Kuala-Lumpur Malázia iha loron 26, no iha loron 27 husi Malázia kontinua mai Timor-Leste.

No husi Malázia mai Timor-Leste iha loron 27 fulan-setembru ho aviaun Air Timor ho totál pasajeiru hamutuk 150.

Durante iha Timor-Leste, pasiente ne’e halo auto-kuarentena iha Otél Beach Garden  hamutuk ho ninia maluk 23.

Enkuantu, ekipa COVID-19 husi Ministériu Saúde hasai amostra pasiente ne’e nian iha loron 6 no 9 fulan outubru hodi deteta konfirmadu COVID-19.

Eis Diretora Ezekutiva Ospitál Nasionál Guido Valadares ne’e husu ba Komunidade no autoridade lokál no munisipál  liliu Bobonaro, Covalima no Rejiaun Administrativa Espesiál Oe-Cusse Ambeno atu kontrola sidadaun ne’ebé maka ultrapasa Timor-Leste ho dalan ilegalmente.

Tuir dadus  husi ekipa COVID-19 to’o ohin rejistu sidadaun 10.635 maka tuir ona teste laboratóriu, hein rezultadu 352, totál pasiente konfirmadu 30, rekuperadu 29, kazu provavél 33, negativu 10.253.

Sidadaun ne’ebé  maka tama ilegál mai Timor-leste liuhusi fronteira terrestre hamutuk 24, Dili 0, totál kuarentena obrigatóriu to’o segunda ne’e, hamutuk 362, Dili iha ema na’in 298, no munisípiu 64, Auto-kuarentena 263.

No sira ne’ebé maka pasa ona kuarentena obrigatóriu durante loron 14 hamutuk 5462, iha  Dili 4.483  no Munisípiu 979.

Notísia Relevante :Pasiente konfirmadu COVID-19 husi Indonézia rekopera

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here