Populasaun no adeptus Klube AD.SLB Laulara no Lalenok United FC, rihun ba rihun maka asiste jogu final kopa FFTL iha Estadiu Munisipal CAFE Gleno, Ermera.Imajen/Hortencio Sanchez.

GLENO, 25 outubru 2020 (TATOLI)-Lider Karismátiku Kayrala Xanana Gusmão, domingu (25/10) asiste direta jogu finál Kopa Federasaun Futeból Timor-Leste (FFTL) époka 2020 entre klube AD.SLB Laulara ho Lalenok United FC iha Estádiu Munisipál Gleno Munisípiu Ermera.

Eis Xefe Governu ne’e to’o iha Estádiu Café Gleno iha tuku 14:42 Otl; no hetan kedas seguransa husi Polisia Nasionál Timor-Leste Munisípiu Ermera nian.

Notísia Relevante :SLB Optimista Manán Lalenok 1-0

Iha biban ne’e mós Komisaun Organizadora lori kedas lider nasionál ne’e ba tuur iha kadeira Verry Important Person (VIP) Estádiu nian hodi asiste jogu finál entre klube rua ne’e.

Tuir observasaun Jornalista Tatoli iha Gleno nota kondisaun estádiu Munisipál Café Gleno nian labele akumula hotu adeptus no populasaun sira ne’ebé maka asiste eventu ne’e ba ohin loron tanba tribun parte leten no kampu ninin nakonu ho ambitante sira.

Jogu ne’e la’o iha ámbitu udan hela maibé adeptus no populasaun sira kontinua hakilar hodi fó suporta ba sira nia klube idaidak, balun hakilar SLB, SLB, SLB no balun hakilar Lalenok United FC.

Notísia Relevante :AD SLB Sei Hasoru Lalenok United FC iha Finál Tasa 12 Novembru

Jornalista:Hortencio Sanchez

Editór:Agapito dos Santos

HAKEREK NO HATÁN

Please enter your comment!
Please enter your name here